Падсядзёлак

Падсядзёлак, сядзёлка — частка вупражы. У больш простым варыянце ўяўляе сабой шырокі скураны пас на лямцавай падкладцы, які замацоўваецца па спіне каня з дапамогай папругі. Паверх падсядзёлка праз металічныя кольцы ці скобкі, замацаваныя на апорных калодках, прапускаюць церассядзёлак (церассядзельнік), што падтрымлівае аглоблі з атосамі. Нярэдка лямцавую падкладку мацуюць на цвёрдым корпусе на форме спіны жывёлы, да якой яна прылягае.

Падсядзёлак

Падсядзёлак выкарыстоўваюць звычайна ў хамутна-аглаблёвай запрэжцы. У хамутна-пастронкавай ці шлейнай сістэме вупражы падсядзёлак нярэдка ўяўляў сабой наспінную дзягу, што мацуецца канцамі да пастронкаў, выконваючы адначасова і функцыі церассядзёлка.

Літаратура

• Падсядзёлак // Этнаграфія Беларусі: Энцыклапедыя / Рэдкалегія: І. П. Шамякін (гал. рэд.) і інш. . — Мн.: БелСЭ, 1989. — 575 с. — 20 000 экз. — ISBN 5-85700-014-9.