Палац Вальціцы
Вальціцы (ням.: Feldberg) — палац у горадзе Вальціцы ў Паўднёвамараўскім краі Чэхіі. Разам з сядзібай Ледніцы ўключаны ў спіс сусветнай спадчыны пад назвай «Культурны комплекс Ледніцы-Вальціцы».
| Славутасць | |
| Палац Вальціцы | |
|---|---|
 | |
| 48°44′22″ пн. ш. 16°45′21″ у. д.HGЯO | |
| Краіна | |
| Месцазнаходжанне | |
| Архітэктурны стыль | архітэктура барока[d] |
| Сайт | zamek-valtice.cz/cs |
 |
|
 Аб’ект Сусветнай спадчыны |
|
| Культурны комплекс Ледніцы-Вальціцы | |
| Спасылка | № 625 у спісе аб’ектаў Сусветнай спадчыны (en) |
| Крытэрыі | i, ii, iv |
| Рэгіён | Еўропа і Паўночная Амерыка |
| Уключэнне | 1996 (20-я сесія) |
 Медыяфайлы на Вікісховішчы | |
Фельдсбергскі палац пабудаваны на месцы замка сям’і Ліхтэнштэйн, які вядомы з XIII стагоддзя. Першапачаткова праект палацавага комплексу распрацоўваў архітэктар Джавані Джакама Тэнкала. Затым напачатку XVIII стагоддзя праект быў развіты ў стылі высокага барока, архітэктарам Іаганам Бернхардом Фішэрам фон Эрлахам у якасці рэзідэнцыі князёў Ліхтэнштэйнаў.
Будаўніцтвам палаца кіраваў італьянскі архітэктар Даменіка Марцнелі. Некаторыя залы і памяшканні, якія часткова адрэстаўраваны, багата ўпрыгожаны насценнымі ўпрыгожаннямі ў стылі барока. Асабліва відовішчна выглядаюць Люстраная зала, Карцінная галерэя, Палацавая капэла і малы салон прынцэсы Карлы. Шматлікія памяшканні ўпрыгожаны фрэскамі на столях. Палац атачае англійскі парк з храмам Дыяны (1812), які нагадвае рымскую арку, магутнай каланадай карынфскага стылю (1832) і іншымі збудаваннямі ў стылі класіцызму.
Разам з суседняй сядзібай Ледніцы, з якой Вальціцы злучае 7-кіламетровая ліпавая алея, ён уключаны ў спіс сусветнай спадчыны, дзе называецца «Культурны комплекс Ледніцы-Вальціцы».
Княжацкая сям’я Ліхтэнштэйна страціла ўсе свае прывілеі з распадам Габсбургскай імперыі і з’яўленнем Чэхаславакіі ў 1918 годзе, а пасля Другой сусветнай вайны ў 1945 годзе палац, як і ўся ўласнасць сям’і Ліхтэнштэйн у Чэхаславакіі была канфіскавана дзяржавай (гл. дэкрэты Бенеша).
Палац мае знакаміты вінны склеп, у якім штогод праводзіцца дэгустацыя і продаж мараўскіх вінаў.
Зноскі
- ↑ Památkový katalog NPÚ Праверана 14 лютага 2019.
Спасылкі правіць
На Вікісховішчы ёсць медыяфайлы па тэме Палац Вальціцы- Афіцыйная старонка
- Палац Вальціцы на www.hrady.cz
