Іаган Бернхард Фішэр фон Эрлах
Іаган Бернхард Фішэр фон Эрлах (ням.: Johann Bernhard Fischer von Erlach; 20 ліпеня 1656, Грац — 5 красавіка 1723, Вена) — аўстрыйскі архітэктар, заснавальнік і вядучы майстар габсбургскага барока. Родапачынальнік архітэктарскай дынастыі Фішэраў фон Эрлахаў.
| Іаган Бернхард Фішэр фон Эрлах | |
|---|---|
 | |
| Дата нараджэння | 20 ліпеня 1656[1][2][3] |
| Месца нараджэння | |
| Дата смерці | 5 красавіка 1723[1][2][3] (66 гадоў) |
| Месца смерці | |
| Працы і дасягненні | |
| Працаваў у гарадах | Вена, Прага, Зальцбург, Грац |
| Архітэктурны стыль | барока |
| Найважнейшыя пабудовы |
палац Шонбрун Зімовы палац Яўгенія Савойскага палац Клам-Галасаў(англ.) бел. маўзалей(ням.) бел. Фердынанда II |
| Горадабудаўнічыя праекты | перапланоўка Зальцбурга |
 Іаган Бернхард Фішэр фон Эрлах на Вікісховішчы | |
БіяграфіяПравіць
Родам з Штырыі, Іаган Бернхард Фішэр вучыўся ў Рыме ў Карла Фантана. Па вяртанні ў Вену займаўся аднаўленнем рэзідэнцый вяльможаў, разбураных падчас нашэсця турак. Распрацаваў характэрны тып цэнтральнаеўрапейскага барочнага палаца. Атрымаў у 1696 годзе дваранства (з даданнем да прозвішча ўдакладнення «фон Эрлах») і пасаду прыдворнага архітэктара, якую захоўваў пры трох імператарах.
Сярод найбольш важных праектаў Эрлаха — імператарскі палац Шонбрун, Зімовы палац Яўгена Савойскага, палац Клам-Галасаў(англ.) бел. у Празе, маўзалей(ням.) бел. Фердынанда II у Грацы, будынак манежа ў Хофбургу і шэраг барочных цэркваў у Зальцбургу, перапланоўкай якога ён займаўся.
Выніковы праект Фішэра фон Эрлаха — Карлскірхэ у Вене — носіць падкрэслена эклектычны характар, з размешчанымі па баках франтона калонамі, якія ў чымсьці падобны да мінарэтаў. Незадоўга да смерці Фішэр-фон-Эрлах апублікаваў першы ў сваім родзе архітэктурны атлас, у якім былі прайграны і супастаўлены выбітныя збудаванні розных эпох і краін, ад егіпецкіх пірамід да кітайскіх пагад.
Зноскі
- ↑ 1,0 1,1 data.bnf.fr: платформа адкрытых дадзеных — 2011. Праверана 10 кастрычніка 2015.
- ↑ 2,0 2,1 Johann Bernhard Fischer von Erlach // Structurae — Ratingen. Праверана 9 кастрычніка 2017.
- ↑ 3,0 3,1 Johann Bernhard Fischer von Erlach // Brockhaus Enzyklopädie
- ↑ Фишер фон Эрлах Иоганн Бернхард // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
СпасылкіПравіць
На Вікісховішчы ёсць медыяфайлы па тэме Іаган Бернхард Фішэр фон Эрлах- Біяграфія ў Аўстрыйскім лексіконе (ням.)
