Палац Сяменскіх-Лявіцкіх (Львоў)

Палац Сяменскіх-Лявіцкіх — помнік архітэктуры ХІХ стагоддзя ў стылі французскага барока, які знаходзіцца ў Львове па вуліцы Пякарскай, 19.

Палац
Палац Сяменскіх-Лявіцкіх
Палац Сєменських-Левицьких
49°50′19″ пн. ш. 24°02′25″ у. д.
Краіна	Украіна
Горад	Львоў, вул. Пяркарская, 19
Тып будынка	жыллёвы
Архітэктурны стыль	французскае барока
Заснавальнік	Канстанцін Сяменскі
Дата заснавання	1849
Медыяфайлы на Вікісховішчы

Гісторыя

Вялікая сядзіба была тут яшчэ ў XVIII стагоддзі. Пасол Галіцкага сейма граф Канстанцін Сяменскі, уласнік мястэчка Магэрыў, замовіў праект палаца ў архітэктара Фрыдэрыка Баўмана з Прусіі. Палац быў пабудаваны да 1849 года.

Сын графа Канстанціна, Станіслаў Костка Канстанцін Марыя Фелікс (1864-1918), даслужыўся да звання тайнага дарадцы імператарскага двара, быў членам аўстрыйскага парламенту, кавалерам Мальтыйскага ордэна. Ён перабудаваў палац у 1877 годзе па праекце архітэктара А. Вагнера. Іван Левінскі і Ян Томаш Кудзельскі ў 1891-1894 гадах яшчэ раз па замове ўладальніка правялі рэканструкцыю палаца, і ў такім выглядзе ён дайшоў да нашых дзён.

У 1820 годзе Канстанцін Сяменскі ажаніўся з Соф'яй Лявіцкай. Іх сын Станіслаў Костка Канстанцін Марыя Фелікс пісаўся ўжо Сяменскім-Лявіцкім. З тых часоў на фасадзе палаца захаваўся вензель S. L. Сёння нашчадкі роду Сяменскіх-Лявіцкіх жывуць у Канадзе.

У 1930-х гадах сюды перанеслі філіял украінскай акадэмічнай гімназіі. У пасляваенныя гады тут размяшчалася сярэдняя школа, пазней тут размясцілі спецыялізаваную школу-інтэрнат для дзяцей з разумовымі недахопамі, якая функцыянуе тут і сёння.