Памятная манета «Камянецкая вежа»

Памятная манета «Камянецкая вежа» — беларускія юбілейныя манеты Нацыянальнага банка Беларусі ўведзеныя ў абарачэнне 20 снежня 2001 года. манеты выбіта са серабра — наміналам 20 рублёў і медна-нікелевая — 1 рубель.

манета "Камянецкая вежа", 20 рублёў, рэверс

манета "Камянецкая вежа", 20 рублёў, аверс

Наміналы

Сярэбраная

• проба серабра: 925
• намінал: 20 рублёў
• вага манеты: 33.63 г
• вага чыстага серабра: 31.1 г
• дыяметр: 38.61 мм
• якасць: «пруф»
• тыраж: 2000 асобнікаў
• кошт продажу ў НББ — 122 500 руб. бяз футляру

Медна-нікелевая

• намінал: 1 рубель
• вага манеты: 13.16 г
• дыяметр: 32 мм
• якасць: «пруф-лайк»
• тыраж: 2000 асобнікаў
• кошт продажу ў НББ — 6 080 руб. бяз футляру

Апісанне

манета мае выгляд круга, рант манеты мае рыфленне.

• Аверс: у коле, з геаметрычным арнаментам, — выява дзяржаўнага герба Беларусі, унізе змешчаны год чаканкі, для срэбра — чыстая вага каштоўнага металю і проба; па колу — надпісы: з гары — «РЭСПУБЛІКА БЕЛАРУСЬ», унізе — «ДВАЦЦАЦЬ РУБЛЁЎ» на сярэбранай і «АД3ІН РУБЕЛЬ» — на медна-нікелевай.
• Рэверс: па цэнтру — выява Камянецкай вежы; злева ўнізе выява ў выглядзе старажытнай пячаткі з датаю: XIII; з гары — надпіс у тры радкі: «ПОМНІКІ АРХІТЭКТУРЫ БЕЛАРУСІ»; унізе надпіс: «КАМЯНЕЦКАЯ ВЕЖА».

Дызайн

• Святлана Заськевіч

Манетны двор

• АТ «Манетны двор Польшчы» (Варшава).

Спасылкі

• Нацыянальны банк Рэспублікі Беларусь Архівавана 11 кастрычніка 2010.