Парэцкая суконная фабрыка

Парэ́цкая суко́нная фа́брыка^[1] — фабрыка, якая дзейнічала ў 1836—1916^[1] гадах у вёсцы Парэчча (Пінскі раён Брэсцкай вобласці).

Фабрыка выпускала трыко, тонкую шарсцяную тканіну, двайное сукно. У 1868 годзе на фабрыцы меліся 83 механічныя ткацкія станкі, 2 паравыя машыны, 3 паравыя катлы і 166 адзінак іншых машын і механізмаў. Працавала 375 рабочых. У 1885 годзе ўсе ручныя станкі былі заменены на механічныя (усяго 185 адзінак).

У час Першай сусветнай вайны абсталяванне фабрыкі было вывезена нямецкімі акупантамі, а будынак спалены.

Вырабы Парэцкай суконнай фабрыкі былі адзначаны сярэбраным медалём на Парыжскай выстаўцы 1878 года, залатым медалём на Маскоўскай выстаўцы 1882 года.

Зноскі

↑ ^а ^б Беларусь 1995.

Літаратура

Парэ́цкая суко́нная фа́брыка // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 565. — 800 с. — 5 000 экз. — ISBN 985-11-0026-9.

[FOOTNOTEБеларусь1995-1] а ^б Беларусь 1995.

[1]