Пачаевіцкае
Пачае́віцкае — возера ў Чашніцкім раёне Віцебскай вобласці Беларусі ў басейне ракі Лукомка, за 6 км у напрамку на поўдзень ад Чашнікаў, каля аграгарадка Пачаевічы.
| Пачаевіцкае | |
|---|---|
| Каардынаты: 54°47′56,30″ пн. ш. 29°09′37,60″ у. д.HGЯO | |
| Краіна |
 Беларусь |
| Рэгіён | Віцебская вобласць |
| Даўжыня | 0,57 км |
| Шырыня | 0,28 км |
| Плошча | 0,11 км² |
| Аб'ём | 0,00047 км³ |
| Даўжыня берагавой лініі | 1,56 км |
| Найбольшая глыбіня | 11 м |
| Сярэдняя глыбіня | 4,3 м |
| Салёнасць | 0,32—0,36 ‰ |
| Празрыстасць | 0,9 м |
| Плошча вадазбору | 1 км² |
  Пачаевіцкае |
|
 Пачаевіцкае |
|
 |
|
Плошча паверхні возера 0,11 км². Даўжыня 0,57 км, найбольшая шырыня 0,28 км, даўжыня берагавой лініі 1,56 км. Найбольшая глыбіня 11 м, сярэдняя 4,3 м. Аб'ём вады ў возеры 0,47 млн м³. Плошча вадазбору каля 1 км².
Катлавіна возера тэрмакарставага тыпу. Схілы катлавіны ў ніжняй частцы стромкія. Вышыня схілаў 6—9 м. Берагавая лінія слабазвілістая. Берагі ў самай паўночнай частцы зліваюцца са схіламі катлавіны, астатнія сплавінныя. Шырыня сплавіны дасягае 15 м. Уздоўж усходняга берага забалочаная пойма шырынёй 20—49 м. Дно возера каля паўночнага берага пясчанае. Астатнюю частку дна высцілаюць гліністы іл і крэменязёмісты сапрапель. Возера эўтрофнае і слабапраточнае. Прыбярэжная надводная расліннасць распаўсюджваецца на адлегласці да 4—20 метраў ад берага возера. У паўднёвай частцы пратокай возера злучаецца з ракой Лукомка.
У возеры водзяцца лешч, шчупак звычайны, гусцяра, плотка, краснапёрка, лінь і іншыя віды рыб.
ЛітаратураПравіць
- Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал.: І. П. Шамякін (гал. рэд.) і інш.. — Мн.: БелСЭ, 1985. — Т. 4. — С. 154. — 599 с. — 10 000 экз.