Пельтыгера

Пельтыге́ра (Peltigera) — род ліставатых лішайнікаў сямейства пельтыгеравых.

Пельтыгера
Peltigera neopolydactyla
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Пельтыгеральныя Сямейства:  Пельтыгеравыя Род:  Пельтыгера
Міжнародная навуковая назва
Peltigera
Тыпавы від
Peltigera canina — Пельтыгера сабачая
Сістэматыка на Віківідах Выявы на Вікісховішчы ITIS   14031 NCBI   48861 EOL   16624 MB   3794

Апісанне

Слаявіна буйналопасцевая (дыяметрам 3-30 см). Зверху шэрая або карычневая, пладовыя целы (апатэцыі) размешчаны па краі лопасцяў. Знізу — светлая з жылкамі, на якіх знаходзяцца рызіны (органы прымацавання да субстрату). Сумкі 6-8-споравыя. Споры бясколерныя або карычневыя. Фікабіёнт — водарасць пераважна з роду насток.

Арэал і экалогія

Род аб'ядноўвае каля 70 відаў. Пашыраны ўсюды, большасць у тропіках і субтропіках Паўднёвага паўшар'я. На Беларусі 10 відаў, найбольш вядомыя пельтыгера бураватая, пухірыстая (Peltigera aphthosa), сабачая (Peltigera canina), шматпальцавая (Peltigera polydactylon); у Чырвоную кнігу занесена пельтыгера гарызантальная (Peltigera horizontalis). Трапляюцца на глебе, каля асновы ствалоў, на пнях у лясах, на лугах.