Петрыкаўскі дэсант
Петрыкаўскі дэсант 29 чэрвеня 1944 года — тактычны рачны дэсант, высаджаны катэрамі Дняпроўскай ваеннай флатыліі ў ходзе Беларускай наступальнай аперацыі Вялікай Айчыннай вайны.
| Петрыкаўскі дэсант | |||
|---|---|---|---|
| Асноўны канфлікт: Вялікая Айчынная вайна | |||
| Дата | 29 чэрвеня 1944 года | ||
| Месца | Петрыкаў | ||
| Вынік | перамога СССР | ||
| Праціўнікі | |||
|
|||
| Камандуючыя | |||
|
|||
| Сілы бакоў | |||
|
|||
План аперацыі правіць
З 22 чэрвеня 1944 года войскі 61-й арміі (камандуючы генерал-лейтэнант П. А. Бялоў) 1-га Беларускага фронту (камандуючы Маршал Савецкага Саюза К. К. Ракасоўскі) у рамках Беларускай стратэгічнай наступальнай аперацыі вялі наступленне ў басейне ракі Прыпяць у агульным кірунку на Пінск. Іх дзеянні падтрымлівалі катэры Дняпроўскай флатыліі (камандуючы флатыліяй капітан 1-га рангу В. В. Грыгор’еў), якія цесна ўзаемадзейнічалі з сухапутнымі часцямі.
У раёне горада Петрыкаў на правым беразе Прыпяці нямецкія войскі 2-й арміі (камандуючы генерал-палкоўнік Вальтэр Вайс) групы армій «Цэнтр» распачалі спробу затрымаць прасоўванне праціўніка.
Для хутчэйшага авалодання гэтым буйным населеным пунктам было вырашана высадзіць у горад тактычны дэсант адначасова з ударам 55-й стралковай дывізіі 89-га стралковага корпуса 61-й арміі.
Ход аперацыі правіць
Высадка выконвалася сіламі дывізіёна катэраў 2-й брыгады рачных караблёў пад камандаваннем капітан-лейтэнанта І. П. Міхайлава. Дэсантны атрад ішоў на 3-х суднах, паход і высадку забяспечвалі два паўглісера. Дэсант быў прыняты на борт 28 чэрвеня (стралковая рота, 290 чалавек) і з надыходам цемры накіраваўся да Петрыкава. Катэрам удалося ўтойліва прайсці па рацэ з берагамі, занятымі нямецкімі войскамі. З набліжэннем дэсанту да горада савецкая артылерыя нанесла магутны ўдар. Катэры на вялікай хуткасці прарваліся да цэнтра горада і паспяхова высадзілі дэсант на прыстань і прылеглыя да берага ракі вуліцы. Адначасова пачалі атаку сухапутныя часці. Камбінаваным ударам з двух бакоў у начным баі Петрыкаў быў на працягу некалькіх гадзін вызвалены[1].
Вынік аперацыі правіць
Войскі 89-га стралковага корпуса працягвалі пераследваць праціўніка, які адступаў уздоўж Прыпяці да Дарашэвічаў. Паспяховае ўзаемадзеянне арміі і флатыліі дазволіла падтрымліваць высокія тэмпы наступлення.
Заўвагі правіць
- ↑ Рязанцев В. И. По речным дорогам войны (От Сталинграда до Берлина): Документальная повесть. — СПб.: Лениздат, 1994. — 341 с. — ISBN 5-289-01774-7. — С. 177—180.
Крыніцы і літаратура правіць
- Григорьев В. В. И корабли штурмовали Берлин / [лит. запись Н. Н. Ланина]. — М.: Воениздат, 1984. — 253 с. : 6 л. ил. — (Военные мемуары).
- Золотарёв В. А., Козлов И. А. Три столетия Российского флота. — Т. 4. — СПб.: Полигон, 2005.
- Чертов В. Днепровская военная флотилия в операции «Багратион». // Морской сборник. — 2019. — № 8. — С. 78-85.
- «Освобождение городов»Архівавана 14 лютага 2010..