Жукоўшчынскі сельсавет (Шаркаўшчынскі раён)
Жуко́ўшчынскі сельсавет — былая адміністрацыйна-тэрытарыяльная адзінка ў складзе Мёрскага раёна Віцебскай вобласці. Цэнтр — вёска Жукоўшчына.
| Жукоўшчынскі сельсавет | |
|---|---|
| Краіна |
 Беларуская ССР |
| Уваходзіў у | Мёрскі раён |
| Уключаў | 20 населеных пунктаў |
| Адміністрацыйны цэнтр | Жукоўшчына |
| Дата ўтварэння | 12 кастрычніка 1940 |
| Дата скасавання | 28 мая 1962 |
Утвораны 12 кастрычніка 1940 года як Полаўскі сельсавет у складзе Шаркаўшчынскага раёна Вілейскай вобласці БССР. Цэнтр — вёска Полава. З 20 верасня 1944 года ў складзе Полацкай вобласці, з 8 студзеня 1954 года — Маладзечанскай вобласці. 16 ліпеня 1954 года цэнтр сельсавета перанесены ў вёску Жукоўшчына, сельсавет перайменаваны ў Жукоўшчынскі[1]. З 20 студзеня 1960 года ў складзе Віцебскай вобласці. 17 красавіка 1962 года падчас скасавання Шаркаўшчынскага раёна тэрыторыя сельсавета падзелена паміж Мёрскім (12 населеных пунктаў: Абалонь, Агальніца Вялікая, Алашкі Вялікія, Алашкі Малыя, Грыблы, Жукоўшчына, Зямцы, Мельніца, Слабада, Сямёнавічы, Цагельня, Халопаўшчына) i Глыбоцкім (8 населеных пунктаў: Агальніца Малая, Алашкаўшчына, Асіннікі, Вінаграды, Крашнева, Навасёлкі, Полава і Пятровічы) раёнамі[2]. 28 мая 1962 года сельсавет скасаваны, яго населеныя пункты ўвайшлі ў склад Пяліцкага сельсавета Мёрскага раёна (12 населеных пунктаў: Абалонь, Агальніца Вялікая, Алашкі Вялікія, Алашкі Малыя, Грыблы, Жукоўшчына, Зямцы, Мельніца, Слабада, Сямёнавічы, Цагельня, Халопаўшчына) і Белькаўскага сельсавета Глыбоцкага раёна (8 населеных пунктаў: Агальніца Малая, Алашкаўшчына, Асіннікі, Вінаграды, Крашнева, Навасёлкі, Полава, Пятровічы)[3].
На момант скасавання ў склад сельсавета ўваходзілі 20 населеных пунктаў.
Крыніцы правіць
- ↑ Указ Президиума Верховного Совета Белорусской ССР от 16 июля 1954 г. Об объединении сельских советов Молодечненской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
- ↑ Указ Прэзідыума Вярхоўнага Савета Беларускай ССР ад 17 красавіка 1962 г. Аб скасаванні некаторых раёнаў Беларускай ССР // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1962, № 13 (972).
- ↑ Рашэнне выканкома Віцебскага абласнога Савета дэпутатаў працоўных ад 28 мая 1962 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1962, № 25 (984).
Літаратура правіць
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.