Помнік Тарасу Шаўчэнку (Мінск, бульвар Шаўчэнкі)

Мінск, бульвар Шаўчэнкі

Помнік Тарасу Рыгоравічу Шаўчэнку — помнік у Мінску, размешчаны на бульвары Шаўчэнкі. Пастаўлены ў 1976 годзе на ўшанаванне памяці ўкраінскага паэта Тараса Шаўчэнкі, імя якога носіць бульвар. Аўтар помніка скульптар С. Вакар. Размешчаны злева ад галоўнай восі бульвара. Уяўляе сабой кампазіцыю з двух гранітных блокаў, асіметрычна накладзеных адзін на адзін. Ніжні вышынёй 0,8 м — з шэрага граніту — з’яўляецца нібы пастаментам для гранітнага маналіту памерам 1 × 1 м чырвонага колеру, на паліраванай фасаднай грані якога замацаваны бронзавы барэльеф Т. Р. Шаўчэнкі. Тыльны бок блока неапрацаваны, са сколамі. Да помніка вядзе выкладзеная бетоннымі плітамі дарожка.

Помнік
Помнік Тарасу Шаўчэнку
Shevchenko blvd in Minsk, Belarus 2017 3.jpg
53°55′24″ пн. ш. 27°33′21″ у. д.HGЯO
Краіна
Месцазнаходжанне
Скульптар Сяргей Міхайлавіч Вакар
Дата пабудовы 1976 год
Матэрыял граніт, бронза

ЛітаратураПравіць