Працоўная слава

«Працоўная слава» — раённая газета Валожынскага раёна Мінскай вобласці. Выдаецца з 1939 года. Заснавальнікі газеты — Валожынскі раённы выканаўчы камітэт, Валожынскі раённы Савет дэпутатаў і калектыў рэдакцыі.

«Працоўная слава»
Тып	газета
Заснавальнік	Валожынскі раённы выканаўчы камітэт
Краіна	Беларусь
Рэдактар	Вераніка Віктараўна Загорская
Заснавана	1939
Мова	беларуская, руская
Галоўны офіс	Валожын, пл. Свабоды, 4
Тыраж	4281 (2019)
Вэб-сайт	valozhin.by

Гісторыя

Першы нумар Валожынскай раённай газеты выйшаў у свет 10 кастрычніка 1939 года пад назвай «Іскра». Першая пасляваенная «Іскра» з’явілася ў ліпені 1944-га, апошняя — у снежні 1962 года. У красавіку 1965 года адбываецца другое нараджэнне газеты: яна выдаецца пад назвай «Працоўная слава».

Больш за 30 гадоў пры «Працоўнай славе» дзейнічае літаратурнае аб’яднанне «Рунь». З яго пачыналі свой творчы шлях нашы землякі-паэты Пятро Бітэль, Хведар Чэрня, Казімір Камейша, Віктар Шніп.

Заснавальнікам газеты на сённяшні дзень з’яўляецца Валожынскі выканаўчы камітэт. Тэматыка газеты зарыентавана на асвятленне сацыяльна-эканамічнага жыцця раёна.

На сённяшні дзень газета выходзіць у поўнакаляровым афармленні, выдаецца ў друкарні «Чырвоная зорка» г. Мінска. Газета выходзіць фарматам А3, агульным аб’ёмам 24 старонак у тыдзень.

Рэдактары

• Сямён Уладзіміравіч Ломаць
• Софія Ігнатаўна Кавяза
• Таццяна Аляксееўна Шаблыка
• Алена Мікалаеўна Лашук
• Ірэна Францаўна Пашкевіч
• Сяргей Браніслававіч Садоўскі
• Вераніка Віктараўна Загорская