Пробліск

«Пробліск» — згуртаванне беларускіх савецкіх пісьменнікаў.

Назва расшыфроўвалася: «Пролетарска-сялянская беларуская літаратурная суполка». Тагачасны правапіс захоўваў О ў нядаўніх запазычаннях, цяпер там А (пралетарская).

Гісторыя

Узнікла ў ліпені 1927 года ў Менску. Заснавальнікамі і сябрамі былі тыя, каго ў красавіку 1927 года выключылі з «Маладняка». Далучаліся іншыя.

Ставіла за мэту тварыць «пралетарскую літаратуру», адлюстроўваць у мастацтве «будаўніцтва сацыялізму». Была нешматлікай і не мела творчай праграмы, не вяла шырокай дзейнасці. Пазней сябры вярнуліся ў «Маладняк», ліквідаваўшы суполку «Пробліск» 28 снежня 1928 года.

Члены

• Янка Бобрык
• Васіль Каваль
• Тодар Кляшторны
• Валерый Маракоў
• Ізраіль Плаўнік
• Янка Туміловіч

Таксама:

• Алесь Гурло
• Алесь Звонак
• Сяргей Фамін
• Мікола Хведаровіч
• Нічыпар Чарнушэвіч

і іншыя

Гл. таксама

• 1927 год у гісторыі літаратуры

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 37. — 10 000 экз. — ISBN 985-11-0035-8. — ISBN 985-11-0216-4 (т. 13).