Пскоўская школа жывапісу

Пско́ўская шко́ла жы́вапісу — адна са школ старажытнарускага мастацтва.

Склалася ў г. Пскове; росквіту дасягнула ў 14—15 ст.

Творы вылучаюцца павышанай экспрэсіяй вобразаў, падкрэсленасцю блікаў, выразнасцю мазка: фрэскі сабора Раства Багародзіцы Снетагорскага манастыра (1313) і царква Успення ў Мялётаве (1465), абразы «Сабор Маці Божай» і «Параскева Пятніца, Варвара і Ульяна» (2-я пал. 14 ст.).

На мяжы 15—16 ст. Пскоўская школа жывапісу заняпала.

• 
  Фрэска сабора Раства Багародзіцы Снетагорскага манастыра. XIV ст.
• 
  Стрэчанне (фрагмент). Успенская царква ў Мялётаве. XV ст.
• 
  Сабор Божай Маці. Пскоўская школа. Канец XIV — пачатак XV ст.
• 
  Святыя Параскева-Пятніца, Варвара і Ульяна. Канец XIV — пачатак XV ст.

Літаратура

• Пскоўская школа жывапісу // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. С. 107.