РСБ-Груп

РСБ-груп
РСБ-груп
Тып	таварыства з абмежаванай адказнасцю
Заснаванне	2005
Заснавальнікі	Алег Крыніцын
Размяшчэнне	Масква
Адрас	Масква;
Ключавыя постаці	Алег Крыніцын (генеральны дырэктар)
Сайт	www.rsb-group.ru

«РСБ-Груп» альбо «Расійскія сістэмы бяспекі»^[2] (руск.: Российские системы безопасности) — расійская кампанія, якая аказвае паслугі ваеннага кансалтынгу ў зонах c высокай тэрарыстычнай актыўнасцю і вядзення баявых дзеянняў. Фактычна, з’яўляецца прыватнай ваеннай кампаніяй. Мае рэгіянальны офіс у Сенегале, а таксама прадстаўніцтвы ў Турцыі, Германіі і Італіі^[3]. Займаецца размініраваннем, канкурэнтнай разведкай і аналітыкай, узброенай аховай і абаронай марскіх грамадзянскіх судоў ад марскіх піратаў у Адэнскім, Гвінейскім заліве, Малакскім праліве і г. д. Так, супрацоўнікі кампаніі «РСБ-Груп» удзельнічалі ў размініраванні аднаго з найбуйнейшых цэментных заводаў Лівіі ў Бенгазі кампаніі Libyan Cement Company. Сума кантракту па звестках сродкаў масавай інфармацыі склала 10 млн долараў^[4]. Паводле аспрэчваемых звестак ААН, падчас лівійскага канфлікту яе спецыялісты меркавана ажыццяўлялі абслугоўванне і рамонт ваеннай авіяцыі арміі фельдмаршала Халіфы Хафтара^[5]. У жніўні 2020 года супрацоўнікі кампаніі адбілі напад на лівійскае пасольства ў Мінску^[6]. Пазней яны ўступілі ў канфлікт з дыпмісіяй і нават самі спрабавалі яе захапіць^[7].