Распаўсюджванне COVID-19 у Германіі

Па дадзеных на 2020/03/25 у Германіі пацверджана 31 554 заражаных COVID-19. З іх 4 118 было выяўлена за мінулыя суткі. Па дадзеных СААЗ за ўвесь час 126 смерцяў звязана з гэтым захворваннем (на 2020/03/25, 10:00 (CET))[1]. Па дадзеных Інстытута Роберта Коха — 149 смерцяў (2020/03/25, 08:15)[2]. Такім чынам смяротнасць складае каля 0.4% ад колькасці хворых[3].

Храналогія распаўсюджвання COVID-19 у Германіі (па гарадах).

Берлінская газета Morgenpost паведамляе на сваім сайце аб 92 смяротных выпадкаў[4].

На бягучы момант ўсе 16 федэральных зямель маюць інфіцыраваных пацыентаў. Найбольшая колькасць хворых у Бадэн-Вюртэмбергу. Найбольшая колькасць інфіцыраваных на душу насельніцтва ў Гамбургу.

Інстытут Роберта Коха штодня публікуе справаздачы аб бягучай сітуацыі звязанай з распаўсюджваннем віруса COVID-19 на тэрыторыі Германіі[5].

Першыя пацверджаныя выпадкіПравіць

Першы выпадак заражэння COVID-19 быў пацверджаны 27 студзеня 2020 у Баварыі ў супрацоўніка фірмы Webasto, які кантактаваў з калегамі, што нядаўна вярнуліся з Кітая. 1 лютага СМІ паведамілі, што ў 8 супрацоўнікаў гэтай фірмы гэтак жа пацверджана наяўнасць віруса. Паведамленне пра першы пацверджаны выпадак заражэння за межамі Баварыі з’явілася 25 лютага[6]. Захворванне было выяўлена ў жыхара Паўночнай Рэйн-Вестфаліі, а таксама Бадэн-Вюртэмберга. Большасць выпадкаў гэтага перыяду звязана з паездкамі мясцовых жыхароў у Італію, у прыватнасці на горналыжныя курорты.

Смяротныя выпадкіПравіць

Паведамленне пра два першых смяротных выпадка ў ФРГ ў гарадах Эсэн (Essen) і Гейнсберг (Heinsberg) было апублікавана 9 сакавіка[7].

Меры каранцінуПравіць

Да 17 сакавіка рашэнне закрыць школы і дзіцячыя сады было прынята ва ўсіх федэральных землях Германіі[8]. Для сем’яў, у якіх бацькі занятыя ў сферах звязаных з забеспячэннем дзейнасці жыццёва важных інфраструктур (лекары, энергетыкі), прадугледжваюцца магчымасці арганізацыі дзённага сыходу за дзецьмі.

18 сакавіка ў Баварыі ўведзены рэжым надзвычайнага становішча[9].

22 сакавіка забаранілі збірацца больш, чым па двое. Выключэнне зроблена для членаў сям’і, а таксама людзей, якія жывуць адзінай дамашняй гаспадаркай. Кантакты з іншымі людзьмі неабходна абмежаваць да мінімуму. Для гэтага, у прыватнасці, захоўваць дыстанцыю не менш 1,5 метра ад бліжэйшага чалавека ў грамадскіх месцах. Усе гастранамічныя прадпрыемствы павінны быць зачыненыя. Аналагічнае тычыцца паслуг у вобласці асабістай гігіены, у тым ліку цырульняў і касметычных студый. Аднак па-ранейшаму дащваляюцца паездкі на працу або для дапамогі іншым людзям. Індывідуальныя заняткі спортам і фізічныя практыкаванні на свежым паветры будуць па-ранейшаму магчымыя[10].

Антыкрызісныя мерыПравіць

Распрацоўваецца законапраект аб выплатах супрацоўнікам прыватных арганізацый, якія значна пацярпелі ад эпідэміі. Да такіх арганізацый адносяцца, напрыклад, усе фірмы даходы якіх арыянтаваныя на турызм.

ЗноскіПравіць

  1. Operations Dashboard for ArcGIS. who.maps.arcgis.com. Праверана 22 сакавіка 2020.
  2. RKI - Coronavirus SARS-CoV-2 - COVID-19: Fallzahlen in Deutschland und weltweit. www.rki.de. Праверана 25 сакавіка 2020.
  3. RKI - Coronavirus SARS-CoV-2 - Aktueller Situationsbericht des Robert Koch-Instituts zu COVID-19. www.rki.de. Праверана 22 сакавіка 2020.
  4. Coronavirus: Interaktive Karte zeigt aktuelle Zahl der Infektionen in Deutschland, Europa und weltweit(ням.) . Berliner Morgenpost. Праверана 22 сакавіка 2020.
  5. RKI - Coronavirus SARS-CoV-2 - Archiv der Situationsberichte des Robert Koch-Instituts zu COVID-19 (ab 4.3.2020). www.rki.de. Праверана 22 сакавіка 2020.
  6. Deutsche Welle (www.dw.com) На западе Германии зафиксирован первый случай заражения коронавирусом | DW | 26.02.2020(руск.) . DW.COM. Праверана 22 сакавіка 2020.
  7. RKI - Coronavirus SARS-CoV-2 - Situationsbericht vom 9.3.2020. www.rki.de. Праверана 22 сакавіка 2020.
  8. Swantje Unterberg, DER SPIEGEL German States Move To Close Educational and Daycare Facilities - DER SPIEGEL - International(англ.) . www.spiegel.de. Праверана 22 сакавіка 2020.
  9. https://www.dw.com/ru/%D0%B1%D0%B0%D0%B2%D0%B0%D1%80%D0%B8%D1%8F-%D0%B2%D0%B2%D0%BE%D0%B4%D0%B8%D1%82-%D1%87%D1%80%D0%B5%D0%B7%D0%B2%D1%8B%D1%87%D0%B0%D0%B9%D0%BD%D0%BE%D0%B5-%D0%BF%D0%BE%D0%BB%D0%BE%D0%B6%D0%B5%D0%BD%D0%B8%D0%B5-%D0%B8%D0%B7-%D0%B7%D0%B0-%D0%BA%D0%BE%D1%80%D0%BE%D0%BD%D0%B0%D0%B2%D0%B8%D1%80%D1%83%D1%81%D0%B0/a-52793490
  10. В Германии ужесточили карантин: запрещено собираться больше, чем по двое