Рычард Лікі
Рычард Эрскін Фрыр Лікі (англ.: Richard Erskine Frere Leakey; 19 снежня 1944, Найробі, Кенія — 2 студзеня 2022, Найробі, Кенія) — кенійскі палеаантраполаг і палітык, аўтар многіх антрапагенетычных адкрыццяў, сын Луіса Лікі і Мэры Лікі, муж Міў Лікі.
| Рычард Эрскін Фры Лікі | |
|---|---|
| Richard Erskine Frere Leakey | |
 | |
| Дата нараджэння | 19 снежня 1944[1][2][…] |
| Месца нараджэння | |
| Дата смерці | 2 студзеня 2022[3][4] (77 гадоў) |
| Месца смерці | |
| Месца пахавання | |
| Грамадзянства | |
| Бацька | Луіс Лікі[7] |
| Маці | Мэры Лікі[7] |
| Жонка | Міў Лікі |
| Дзеці | Луіза Лікі[7] |
| Род дзейнасці | палеаантраполаг, палітык, кансервацыяніст, абаронца навакольнага асяроддзя, выкладчык універсітэта, аўтабіёграф, палеантолаг, антраполаг |
| Навуковая сфера | Палеаантрапалогія |
| Месца працы | |
| Альма-матар | |
| Вядомы як | Аўтар палеанталагічных адкрыццяў |
| Партыя | |
| Член у | |
| Узнагароды |
член Лонданскага каралеўскага таварыства[d] (2007) Медаль заступнікаў[d] (1990) медаль Хабарда[d] (1994) |
 Медыяфайлы на Вікісховішчы | |
Біяграфія
правіцьПершапачаткова не збіраўся абіраць навуковую кар’еру, падобна сваім бацькам, працуючы фатографам і гідам, займаючыся суправаджэннем турыстаў у розныя запаведнікі і арганізацыяй кіназдымак. Аднак у далейшым усё-такі заняўся пошукам рэшткаў старажытных людзей, пачынаючы з 1964 года арганізаваўшы некалькі экспедыцый. У 1972 на стаянцы Каобі Фора на ўсход ад возера Туркана групай Рычарда Лікі быў знойдзены чэрап, вызначаны ім як Homo habilis. У 1984 годзе, таксама на возеры Туркана быў знойдзены практычна поўны шкілет старажытнага чалавека, што сустракаецца ў раскопках досыць рэдка. Гэтая знаходка атрымала назву «Хлопчык з Турканы»[9].
У канцы 1980-х займаў пасады дырэктара Нацыянальнага музея Кеніі і археалагічнага дэпартамента. У 1989 годзе пакінуў музей, увайшоўшы ва ўрад Кеніі прэзідэнта Даніэля арап Моі ў якасці дырэктара Дэпартамента аховы дзікай прыроды (з 1990 года — Службы жывой прыроды), дзе актыўна займаўся барацьбой з браканьерамі. У 1993 годзе невялікі самалёт, які пілатаваў Рычард Лікі, разбіўся, сам пілот выжыў, але яго галёнкі прыйшлося ампутаваць. Мелася падазрэнне ў сабатажы з боку браканьераў, але гэта так і не даказалі. Праз некалькі месяцаў Рычард Лікі зноў навучыўся хадзіць пры дапамозе пратэзаў. Прыкладна ў гэты ж час урад Кеніі абвясціў, што сакрэтнае расследаванне знайшло доказы карупцыі і безгаспадарчасці ў Службе аховы дзікай прыроды Кеніі. Раздражнёны Лікі на прэс-канферэнцыі ў студзені 1994 года публічна падаў у адстаўку і быў заменены на Дэвіда Уэстерна.
У маі 1995 года Рычард Лікі разам з некалькімі кенійскімі інтэлектуаламі заснаваў новую палітычную партыю зялёнай і левацэнтрысцкай накіраванасці — «Сафіна» (што на мове суахілі азначае «[Ноеў] каўчэг». Спачатку яе не хацелі рэгістраваць, але ў 1999 годзе Моі па патрабаванню міжнародных донарскіх арганізацый прыйшлося прызначыць Рычард Лікі на пасаду сакратара кабінета і старшыні дзяржаўнай службы. Другі тэрмін Лікі скончыўся ў 2001 годзе, калі ён быў вымушаны зноў сысці ў адстаўку.
Зноскі
- ↑ Richard Leakey // Encyclopædia Britannica Праверана 9 кастрычніка 2017.
- ↑ Richard Erskine Leakey // Brockhaus Enzyklopädie Праверана 9 кастрычніка 2017.
- ↑ Message of Condolence from H.E Hon. Uhuru Kenyatta following the death of former Head of Public Service Dr Richard Leakey
- ↑ Fossil hunter Richard Leakey who showed humans evolved in Africa dies at 77
- ↑ Živa — Academia, 1853. — вып. 2/2022. — ISSN 0044-4812
- ↑ https://en.wikipedia.org/wiki/Richard_Leakey
- ↑ а б в Lundy D. R. The Peerage
- ↑ https://www.ae-info.org/ae/User/Leakey_Richard
- ↑ Leakey R. amp; Walker A. Homo Erectus Unearthed: A Fossil Skelton 1,600,000 Years Old // National Geographic, Vol. 168. № 5, November 1985:624-629.