Луіза Лікі
Прынцэса Луіза дэ Мерод (англ.: Princess Louise de Merode, народжаная Лікі; 21 сакавіка 1972, Найробі, Кенія) — кенійскі палеантолаг. Займаецца даследаваннем і раскопкамі акамянеласцяў старажытных гамінідаў ва Усходняй Афрыцы[3].
| Луіза Лікі | |
|---|---|
| Louise Leakey | |
| Дата нараджэння | 21 сакавіка 1972 (52 гады) |
| Месца нараджэння |
|
| Грамадзянства | |
| Бацька | Рычард Лікі[1] |
| Маці | Міў Лікі |
| Муж | Эмануэль дэ Мерод[d][2] |
| Дзеці | Princess Seiyia de Merode[d][1] і Princess Alexia de Merode[d][1] |
| Род дзейнасці | антраполаг, палеантолаг, археолаг, даследчык дагістарычнай эпохі, палеаантраполаг |
| Навуковая сфера | палеанталогія |
| Навуковая ступень | доктар філасофіі |
| Альма-матар | |
.svg){kind=small}
Біяграфія
правіцьЛуіза Лікі нарадзілася ў Найробі (Кенія) у 1972 годзе, у сям'і палітыка і палеаантраполага Рычарда Лікі і палеаантраполага Міў Лікі. У тым жа годзе памер яе дзядуля, вядомы антраполаг Луіс Лікі. Упершыню Луіза пачала прымаць актыўны ўдзел у пошуках акамянеласцяў ў 1977 годзе ва ўзросце 6 гадоў і стала самым маладым чалавекам, які знайшоў акамянелага гамініда[4].
Луіза Лікі атрымала пасведчанне аб сярэдняй адукацыі па праграме міжнароднага бакалаўрыяту Аб'яднанага Сусветнага каледжа Атлантыкі, а таксама ступень бакалаўра навук у галіне геалогіі і біялогіі ад Універсітэта Брысталя. Пасля, у 2001 годзе, яна атрымала ступень доктара філасофіі ва Універсітэцкім каледжы Лондана[5].
У 1993 годзе да яе далучылася яе маці Міў Лікі, як яшчэ адін кіраўнік палеанталагічнай экспедыцыі ў Паўночнай Кеніі. Даследчы праект Каобі-Фора быў адной з самых прыкметных праграм апошніх двух дзесяцігоддзяў, у ходзе якога былі знойдзены некаторыя найбольш вядомыя акамянеласці гамінідаў, у тым ліку Kenyanthropus platyops[3].
Яе ініцыятывай было размяшчэнне лічбавых мадэляў калекцыі акамянеласцяў у віртуальнай лабараторыі афрыканскіх фасілій, дзе мадэлі могуць быць загружаныя ў формате 3D, надрукаваныя або выразаныя з кардона для калекцыі.
У 2003 годзе Луіза Лікі выйшла замуж за бельгійскага прыматолага, прынца Эмануэля дэ Мерода. У пары нарадзілася дзве дачкі: прынцэса Сейя дэ Мерод (2004) і прынцэса Алексія дэ Мерод (2006)[6].
Зноскі
- ↑ а б в Lundy D. R. The Peerage
- ↑ (unspecified title) Праверана 7 жніўня 2020.
- ↑ а б Mitchell, Ryan 2003.
- ↑ Pearson, Stephanie (2003-12). «Louise Leakey» in «XX Factor». Outside Magazine, December 2003 (англ.)
- ↑ Bios: Louise Leakey. www.leakey.com. Праверана 1/12/2015. (англ.)
- ↑ Bowman-Kruhm, Mary (2005). «The Leakeys: A Biography». ISBN 0-313-32985-0. (англ.)