Сабор Святога Януарыя
Сабор Св. Януарыя — саборная царква Неапаля, прысвечана нябеснаму заступніку горада — святому Януарыю. Закладзена Карлам Анжуйскім на падмурках двух старажытных базілік (ад якіх захаваліся фрагменты мазаічнага ўбрання). Дабудавана і асвечана пры яго ўнуку Роберце.
| Славутасць | |
| Сабор Святога Януарыя | |
|---|---|
 | |
| 40°51′09″ пн. ш. 14°15′34″ у. д.HGЯO | |
| Краіна |
 Італія |
| Месцазнаходжанне | |
| Канфесія | каталіцтва |
| Епархія | Неапалітанская дыяцэзія[d] |
| Архітэктурны стыль | гатычная архітэктура |
| Заснавальнік | Карл II Анжуйскі |
| Дата заснавання | 1272 |
| Сайт | duomodinapoli.it |
 |
|
 Медыяфайлы на Вікісховішчы | |
Гістарычны нарыс правіць
Царква была закладзена ў другой палове XIII стагоддзя Карлам I Анжуйскім на падмурках двух старажытных базілік. Будаўніцтва працягвалася ў гады кіравання яго сына, караля Карла II і скончылася напачатку XIV стагоддзя пры яго ўнуку Роберце. Стваральнікам крыпты быў ламбардзец Тамаза Мальвіта. Фасад, абноўлены ў канцы XIX пад кіраўніцтвам архітэктара Энрыка Альвіна, утрымлівае партал XV у. са скульптурамі Ціна да Камайна. Арган царквы быў пабудаваны Філіпа Чыміна (Cimino) у 1767 г., апошняя рэканструкцыя (1974) выканана Дж. Руфаці (Ruffatti).
Архітэктура правіць
Капэла Св. Януарыя правіць
Асноўнай славутасцю храма з'яўляецца капліца св. Януарыя, да стварэння ўбрання якой прыклалі руку Даменікіна, Гвіда Рэні, Хасэ Рыбера і іншыя майстры XVII стагоддзя. У капэле Мінутола, якая згадваецца ў «Дэкамероне», захаваліся роспісы XIV стагоддзя. У самым храме вісяць рэлігійныя палотны Перуджына і Лукі Джардана.
Галоўнай рэліквіяй сабора, якая паражала розумы жыхароў Неапаля яшчэ ў Сярэднявеччы, з'яўляецца сасуд з крывёй св. Януарыя, запячатаны 1690 гадоў назад. Калі яго двойчы ў год дэманструюць вернікам (у першую суботу мая і 19 верасня), кроў невытлумачальным чынам закіпае, займаючы сабой увесь сасуд.
Калі «цуд крыві» св. Януарыя не здараецца, неапалітанцы лічаць гэта прадвесцем бяды. Так, у 1527 г. у горад прыйшла чума, ад якой загінула 40 тысяч гараджан, а ў 1979 г. — адбылося землетрасенне, якое адабрала тры тысячы жыццяў.
Спасылкі правіць
На Вікісховішчы ёсць медыяфайлы па тэме Сабор св. Януарыя ў Неапалі- Афіцыйны сайт
- Навуковае тлумачэнне феномену
