Савелій Антонавіч Акуліч

Савелій Антонавіч Акуліч (нар. 14 верасня 1929, хутар Сакалы, цяпер Смалявіцкі раён - 2 снежня 2002) — беларускі краязнаўца і гісторык мастацтва. Кандыдат мастацтвазнаўства.

Савелій Антонавіч Акуліч
Дата нараджэння	14 верасня 1929(1929-09-14)
Месца нараджэння	Сакалы, Смалявіцкі раён, Менская акруга, БССР, СССР
Дата смерці	2 снежня 2002(2002-12-02) (73 гады)
Грамадзянства	Беларусь
Род дзейнасці	краязнавец, мастацтвазнавец
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі
Навуковая ступень	кандыдат мастацтвазнаўства
Альма-матар	Мінскае мастацкае вучылішча (1952) Маскоўскі паліграфічны інстытут[d] (1963)

Біяграфія

Нарадзіўся 14 верасня 1929 года на хутары Сакалы (цяпер не існуе), знаходзіўся за 2 км ад в. Свідна. Скончыў у 1952 годзе Мінскае мастацкае вучылішча, у 1963 годзе факультэт графікі Маскоўскага паліграфічнага інстытута. Працаваў у Інстытуце мастацтвазнаўства, этнаграфіі і фальклору АН Беларусі.

Памёр 2 снежня 2002 года.

Навуковая дзейнасць

Напісаў у сааўтарстве з Б. Сасноўскім гісторыка-краязнаўчы нарыс «Лагойск», які выйшаў асобным выданнем у 1979 г. Аўтар больш як 50 навуковых публікацый па гісторыі мастацтваў Беларусі, шматлікіх артыкулаў па краязнаўстве, многія з якіх прысвечаны Лагойшчыне.

Спасылкі

• Савелій Антонавіч Акуліч на сайце анлайн-энцыклапедыі «Беларусь у асобах і падзеях»