Самуіл Саламонавіч Міндлін

Самуіл Саламонавіч Міндлін (руск.: Миндлин Самуил Соломонович; 1896, Шаркаўшчына — 1951, Растоў-на-Доне) — савецкі вучоны ў галіне тэрапіі. Доктар медыцынскіх навук (1937), прафесар (1938).

Самуіл Саламонавіч Міндлін
Дата нараджэння	1896
Месца нараджэння	Шаркаўшчына, Дзісенскі павет, Віленская губерня, Расійская імперыя
Дата смерці	1951
Месца смерці	Растоў-на-Доне, Растоўская вобласць, РСФСР, СССР
Род дзейнасці	навуковец
Навуковая ступень	доктар медыцынскіх навук

Біяграфія

Міндлін Самуіл Саламонавіч (Залманавіч) нарадзіўся ў беднай шматдзетнай сям'і. У дзяцінстве пераехаў з сям'ёй у Екацярынаслаў, дзе скончыў камерцыйнае вучылішча. З 1916 вучыўся на медыцынскім факультэце Данскога ўніверсітэта ў Растове-на-Доне. Пасля атрымання дыплома лекара ў 1921 г. працаваў у клініцы факультэцкай тэрапіі Данскога ўніверсітэта. У 1940 г. прызначаны загадчыкам кафедры факультэцкай тэрапіі Растоўскага медыцынскага інстытута. У гады Вялікай Айчыннай вайны эвакуіраваўся ў г. Ленінагорск ва Усходнім Казахстане, затым у Баку, Ташкент, загадваў тэрапеўтычным аддзяленнем буйнога эвакашпіталя. Пасля вызвалення Растова-на-Доне вярнуўся да загадванне кафедры факультэцкай тэрапіі.
У сферы навуковых інтарэсаў Міндліна вывучэнне пытанняў патагенэзу, клінікі, дыягностыкі і лячэння розных захворванняў унутраных органаў, у прыватнасці, артэрыяльнай гіпертэнзіі і зацяжнога сэптычнага эндакардыту. Яго пяру належаць каля 50 друкаваных прац, у тым ліку 3 манаграфіі.

Спасылкі

• [1] Архівавана 4 сакавіка 2016.