Сандра Бацічэлі (італ.: Sandro Botticelli, сапраўднае імя Алесандра ды Марыяна ды Вані Філіпепі італ.: Alessandro di Mariano di Vanni Filipepi); 1 сакавіка 1445, Фларэнцыя — 17 мая 1510) — італьянскі жывапісец, прадстаўнік тасканскай школы жывапісу ранняга Адраджэння.

Сандра Бацічэлі
італ.: Sandro Botticelli
Фатаграфія
Імя пры нараджэнні Алесандра дзі Марыяна дзі Вані Філіпепі
Дата нараджэння каля 1445[1][2]
Месца нараджэння
Дата смерці 17 мая 1510[3][4][…]
Месца смерці
Месца пахавання
Род дзейнасці мастак, рысавальнік, архітэктурны чарцёжнік, фрэскіст
Месца працы
Жанр партрэт[8][6], гістарычны жывапіс[8][6], рэлігійны жывапіс[d][8], алегорыя[d][6], міфалагічны жывапіс[d][6] і рэлігійнае мастацтва[d][6]
Мастацкі кірунак адраджэнне
Вядомыя працы «Вясна»
«Нараджэнне Венеры»
Заступнікі Ларэнца Медычы
Уплыў Філіпа Ліпі[9] і Андрэа дэль Верок’я
Уплыў на прэрафаэлітызм
Лагатып Вікісховішча Медыяфайлы на Вікісховішчы

Вучыўся ў Філіпа Ліпі. Раннія работы вызначаліся яснай прасторавай пабудовай, дакладным малюнкам, увагай да бытавых дэталяў. 3 канца 1470-х г. быў набліжаны да двара Медычы і гуманістычных колаў Фларэнцыі. Творчасць Сандра Бацічэлі мае рысы адухоўленасці, арыстакратычнай вытанчанасці. У карцінах «Вясна» (каля 1477—1478), «Нараджэнне Венеры» (каля 1483—1484) і інш. стварыў паэтычна абагульненыя, гарманічныя вобразы, поўныя светлага летуцення. Далікатнасць фігур, лёгкія трапяткія лінейныя рытмы, празрыстасць фарбаў ствараюць атмасферу элегічнага смутку. У партрэтах з выключнай тонкасцю і вастрынёй раскрыў складаныя нюансы ўнутранага стану чалавека. На яго творчасць значна паўплывалі сацыяльныя перамены ў Фларэнцыі ў 1490-я г., што выявілася ў павышаным драматызме і экспрэсіі вобразаў, маралізатарстве і рэлігійнай экзальтацыі («Святы Себасцьян», 1474; «Пакланенне вешчуноў», 1477; «Паклёп», пасля 1495; «Сцэны з жыцця св. Зіновія», каля 1505; фрэскі «Святы Аўгусцін», 1480; серыя фрэсак з жыцця Майсея і Хрыста ў Сіксцінскай капэле Ватыкана, 1481—1482; малюнкі да «Боскай камедыі» Дантэ, 1492—1497).

Галерэя правіць

Зноскі

Спасылкі правіць