Санча III Кастыльскі

Санча III Кастыльскі (ісп.: Sancho III de Castilla) або Санча III Жаданы (ісп.: Sancho III el Deseado) (1134 — 31 жніўня 1158, Таледа) — кароль Кастыліі з 1157 г. Старэйшы сын Берэнгелы Барселонскай і Альфонса VII Кастыльскага, па волі якога землі Кастыліі і Леона былі падзелены паміж двума яго сынамі — пасля смерці бацькі Санча стаў каралём Кастыліі, а яго брат Фернанда атрымаў у спадчыну каралеўства Леон. Санча садзейнічаў стварэнню ордэна Калатравы, калі тампліеры адмовіліся падтрымліваць абарону памежнага горада Калатрава, у валоданне якім ён быў перададзены Альфонсам VI у 1147 годзе. Санча перадаў валоданне Калатравой, абату Раймонду Дыега Веласкесу, які і арганізаваў новы ваенны ордэн. Санча III пахаваны ў капэле сабора Санта-Марыя-дэ-Таледа.

Санча III Кастыльскі
Дзейнасць	кіраўнік, воін
Веравызнанне	каталіцтва
Нараджэнне	каля 1134 Таледа, Кастылія — Ла-Манча, Іспанія
Смерць	31 жніўня 1158(1158-08-31) Таледа, Кастылія — Ла-Манча, Іспанія
Пахаванне	Таледскі сабор[d]
Дынастыя	Leonesse House of Burgundy[d]
Бацька	Альфонса VII
Маці	Берэнгела Барселонская[d]
Жонка	Бланка Наварская[d]
Дзеці	Альфонса VIII Кастыльскі

Шлюбы і дзеці

Хасэ Марыя Радрыгес дэ Ласада. Партрэт Санча III 1892—1894

30 студзеня 1151 г. ажаніўся з Бланкай Наварскай, дачкой Гарсіі VI, караля Навары. Ад гэтага шлюбу нарадзілася толькі адно дзіця:

• Альфонса VIII (1155—1214), пераемнік Санча III на каралеўскім прастоле Кастыліі.

Бургундская дынастыя
Папярэднік Альфонса VII	Кароль Кастыліі 1157 — 1158	Пераемнік Альфонса VIII