Саюз рускага народа
«Саю́з ру́скага наро́да»[1], «СРН»[1] (руск.: «Союз русского народа») — грамадска-палітычная арганізацыя чарнасоценнага кірунку, якая дзейнічала ў Расійскай імперыі ў 1905—1917 гадах. Статут быў зацверджаны 7(20) жніўня 1906 года[2].
| Саюз рускага народа | |
|---|---|
 | |
| Дата заснавання | 1905 |
| Дата роспуску | 1917 |
| Краіна | |
| Ідэалогія | клерыкалізм, рускі нацыяналізм[d] і кансерватызм |
 Медыяфайлы на Вікісховішчы | |
Саюз рускага народа аб’ядноўваў буйных домаўласнікаў, памешчыкаў, чыноўнікаў, купцоў, прадстаўнікоў праваслаўнага духавенства, частку рабочых і сялян і выступаў за адзінства і непадзельнасць краіны, у абарону самадзяржаўя з пазіцый вялікадзяржаўнага шавінізму і антысемітызму, узмацненне пазіцый праваслаўя. Друкаваныя органы: газета «Руское знамя» (1905—1910), часопіс «Вестник Саюза русского народа» (1910—1915)[2]. Шэраг аддзелаў СРН выпускалі ўласныя перыядычныя выданні[2].
На тэрыторыі сучаснай Беларусі арганізацыі СРН дзейнічалі ва ўсіх губернях і паветах, гарадах, мястэчках[1]. Яны вялі барацьбу супраць палякаў, яўрэяў, беларускага нацыянальнага руху і яго газеты «Наша Ніва»[1]. Галоўным органам была газета «Минское слово»[1].
Саюз рускага народа быў забаронены пасля Лютаўскай рэвалюцыі 1917 года, а многія з яго членаў былі арыштаваны[2].
Зноскі
- ↑ а б в г д Беларусь 1995.
- ↑ а б в г Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—2017.
Літаратура
правіць- Забаўскі М. М. «Саюз рускага народа» («СРН») // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 650. — 800 с. — 5 000 экз. — ISBN 985-11-0026-9.