Свята-Георгіеўская царква (Даматканавічы)

Свята-Георгіеўская царква — праваслаўны храм у вёсцы Даматканавічы Клецкага раёна Мінскай вобласці.

Праваслаўная царква
Свята-Георгіеўская царква
53°07′25,89″ пн. ш. 26°31′30,65″ у. д.
Краіна	Беларусь
Аграгарадок	Даматканавічы
Канфесія	Беларуская праваслаўная царква
Епархія	Мінская і Слуцкая
Благачынне	Клецкая
Дата пабудовы	1866 год
Стан	Дзейнічае
Медыяфайлы на Вікісховішчы

Гісторыя

Знаходзіцца на паўночна-заходняй ускраіне вёскі, у полі. Пабудавана ў 1866 г., абкладзена цэглай і павялічана ў канцы 20 ст.

Архітэктура

Факавы фасад

Падоўжаны прамавугольны ў плане аб'ём пераходзіць у 2-гранную апсіду з бакавой рызніцай. Двухсхільны дах па цэнтры пераходзіць у шатровы, над апсідай у вальмавы; завершаны з фасада чатырохгранным шатровым зашклёным барабанам званіцы, шацёр і вальмы апсіды — цыбулепадобнымі галоўкамі. Плоскасныя фасады расчлянёны прамавугольнымі аконнымі праёмамі. Уваход аформлены слуповым ганкам пад двухсхільным пакрыццём.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы ёсць медыяфайлы па тэме Свята-Георгіеўская царква (Даматканавічы)
• Свята-Георгіеўская царква (Даматканавічы) на сайце Праваслаўная архітэктура Беларусі (бел.)
• Свята-Георгіеўская царква (Даматканавічы) на сайце Radzima.org
• Свята-Георгіеўская царква (Даматканавічы) на сайце Глобус Беларусі (руск.)