Свята-Панцеляймонаўская царква (Крошын)

Свята-Панцеляймонаўская царква — мураваны праваслаўны храм у в. Крошын Баранавіцкага раёна Брэсцкай вобласці. Знаходзіцца ў цэнтры вёскі на вул. Леніна, 2.

Праваслаўны храм
Свята-Панцеляймонаўская царква
53°11′57″ пн. ш. 26°09′20″ у. д.
Краіна	Беларусь
Аграгарадок	Крошын
Канфесія	Праваслаўе
Епархія	Пінская і Лунінецкая епархія
Архітэктар	Леанід Васілевіч Макарэвіч
Будаўніцтва	1993—2000 гады
Стан	дзейнічае

Гісторыя

Пабудавана ў 2000 годзе з цэглы. Архітэктарам храма з’яўляецца Леанід Васілевіч Макарэвіч.

Архітэктура

Вырашана ў стылізаваных формах старажытнарускага дойлідства. Цэнтрычны 4-гранны аб’ём накрыты сферычным купалам, завершаным 8-гранным светлавым барабанам пад шлемападобным купалам. Апсіда вырашана цыліндрычным аб’ёмам пад конхавым пакрыццём. Фасады па цэнтры вылучаны перспектыўна прафіляванымі рызалітамі з кілепадобнымі завершамі, прарэзаны вузкімі арачнымі аконнымі і ўваходнымі праёмамі.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• Свята-Панцеляймонаўская царква (Крошын) на сайце Глобус Беларусі (руск.)