Святлана Аляксандраўна Пенкіна

Святлана Аляксандраўна Пенкіна (6 чэрвеня 1951 — 20 кастрычніка 2016) — савецкая актрыса.

Святлана Аляксандраўна Пенкіна
Імя пры нараджэнні	Святлана Аляксандраўна Пенкіна
Дата нараджэння	6 чэрвеня 1951(1951-06-06)
Месца нараджэння	БССР, СССР
Дата смерці	20 кастрычніка 2016(2016-10-20) (65 гадоў)
Месца смерці	Мінск, Беларусь
Месца пахавання	Усходнія могілкі
Грамадзянства	СССР Беларусь
Муж	Уладзімір Георгіевіч Мулявін
Адукацыя	Беларуская дзяржаўная акадэмія мастацтваў
Прафесія	актрыса
Кар’ера	1971—1985
IMDb	0671910

Біяграфія

Нарадзілася 6 чэрвеня 1951 года. Бацька — Аляксандр Паўлавіч Пенкін, афіцэр, палкоўнік. Скончыла Мінскі тэатральна-мастацкі інстытут.

Удава Уладзіміра Мулявіна (1941—2003), за якога выйшла замуж у 1981. Змяніла прозвішча на Мулявіна-Пенкіна. У 1982 годзе ў іх нарадзіўся сын Валерый.

Фільмаграфія

Актрыса стала вядомай дзякуючы здымкам у савецкім 13-серыйным тэлефільме «Блуканне па пакутах» паводле аднайменнага рамана Аляксея Талстога. Роля Каці Булавінай была дыпломнай працай выпускніцы Мінскага тэатральнага інстытута.

Працуючы над гэтым фільмам, маладая актрыса адначасова знялася яшчэ ў дзвюх карцінах. У фільме «Пыл пад сонцам» сыграла Ганну Міхайлаўну, паплечніцу літоўскага рэвалюцыянера Варэйкіса. У «Колеры золата» яе гераіня Зоя — сярод першых роляў.

У 1982 годзе яна сыграла ролю Ліды у карціне «Сонечны вецер», а ў 1985 годзе — сакратарку Віку ў фільме «Будучаму стагоддзю», экранізацыі аднайменнага рамана Георгія Маркава, пасля чаго больш у кіно не здымалася.

• 1971 — Магіла льва — эпізод
• 1972 — Дзень маіх сыноў — Сярова, пацыентка
• 1974 — Блуканне па пакутах — Каця Булавіна
• 1974 — Колер золата — Зоя
• 1977 — А ў нас была цішыня... — Гусценька Драздова
• 1977 — Пыл пад сонцам — Ганна
• 1978 — Загад нумар адзін (фільм-спектакль) — Арлова
• 1981 — Беражыце жанчын — Оля (галоўная роля)
• 1982 — Сонечны вецер — Ліда, супрацоўніца Чэбышава
• 1985 — Будучаму стагоддзю — Віка, сакратарка

Спасылкі

• Святлана Мулявіна-Пенкіна: «Я не падобная да Каці. Проста жыву яе выпрабаваннямі» (руск.)
• «Быў. Ёсць. Буду.» — 65 гадоў з дня нараджэння Уладзіміра Мулявіна (руск.)