Спаса-Праабражэнская царква (Беразіно)

Спаса-Праабражэнская царква — праваслаўны храм у г. Беразіно (Мінская вобласць). Размешчана на вул. Піянерскай. Пабудавана ў 1950-я гг. з цэглы, рэканструявана ў канцы XX ст.

Праваслаўны храм
Спаса-Праабражэнская царква
53°50′37″ пн. ш. 28°59′16″ у. д.
Краіна	Беларусь
Горад	Беразіно
Канфесія	Беларуская праваслаўная царква
Епархія	Барысаўская епархія
Дата пабудовы	1950-я

Архітэктура

Вырашана двума прамавугольнымі ў плане аб'ёмамі малітоўнай залы і трапезнай. Сакральную прынадлежнасць будынка адзначаюць шатровы чатырохгранны драўляны барабан і макаўка па цэнтры вальмавых дахаў. Неатынкаваныя фасады расчлянёны арачнымі аконнымі праёмамі ў простых ліштвах і цаглянымі лапаткамі ў прасценках. Уваход вылучаны двухслуповым ганкам пад аднасхільным пакрыцём.

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.

Спасылкі

• Спаса-Праабражэнская царква (Беразіно) на сайце Праваслаўная архітэктура Беларусі (бел.)
• Спаса-Праабражэнская царква (Беразіно) на сайце Глобус Беларусі (руск.)