Спіральнараснічныя інфузорыі

Спіральнараснічныя інфузорыі (Spirotrichea), або рознараснічныя інфузорыі (Heterotrichea) — клас (падклас) інфузорый.

Спіральнараснічныя інфузорыі
Навуковая класіфікацыя
прамежныя рангі Дамен:  Эўкарыёты Царства:  Храмісты Надтып:  Alveolata Тып:  Інфузорыі Клас:  Спіральнараснічныя інфузорыі
Міжнародная навуковая назва
Spirotrichea Bütschli, 1889
Сістэматыка на Віківідах Выявы на Вікісховішчы NCBI   33829 EOL   2864299

Апісанне

Даўжыня да 3 мм. Цела ўкрыта шчыльнай пелікулай з густымі раснічкамі (органы перамяшчэння), некаторыя маюць ракавіну. Каляротавыя раснічкі (2—4 рады) злітыя паміж сабой (т.зв. мембранелы), якія спіральна закручаны па гадзіннікавай стрэлцы (адсюль назва), даўжэйшыя за астатнія (адсюль другая назва). Кормяцца дробнымі арганічнымі рэшткамі, бактэрыямі, водарасцямі, прасцейшымі. Самі служаць кормам для іншых беспазваночных, малявак рыб.

Пашырэнне

Адрозніваюцца 3 атрады, каля 2 тыс. відаў. Пашыраны ў прэсных вадаёмах. Жывуць свабодна або прымацаваныя да субстрату. На Беларусі найбольш трапляюцца бурсарыя трункатэла (Bursaria truncatella), спірастомум малы (Spirostomum minus), стыланіхія мітылюс (Stylonychia mytilus), трубач блакітны (Stentor coeruleus), трубач зменлівы (Stentor polymorphus).

Значэнне

Удзельнічаюць у біялагічным ачышчэнні вады. Ёсць паразіты, узбуджальнікі хвароб жывёл і чалавека.

Літаратура

• Петрыкаў А. Спіральнараснічныя інфузорыі // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — 552 с. — ISBN 985-11-0251-2 (т. 15), ISBN 985-11-0035-8.