Станіслаў Нічыпаравіч Князеў

Станіслаў Нічыпаравіч Князеў (нар.6 лістапада 1948, г. Новасібірск, Расія) — беларускі дзяржаўны дзеяч, юрыст, гісторык. Доктар юрыдычных навук (2005), прафесар права (2001). Генерал-маёр (1994).

Станіслаў Нічыпаравіч Князеў
Дата нараджэння 6 лістапада 1948(1948-11-06) (72 гады)
Месца нараджэння
Род дзейнасці вучоны
Навуковая сфера тэорыя кіравання[d]
Месца працы
Навуковая ступень доктар юрыдычных навук[d]
Альма-матар
Узнагароды
ордэн Чырвонай Зоркі Ордэн «Знак Пашаны» Юбілейны медаль «У памяць 10-годдзя вываду савецкіх войскаў з Афганістана»

БіяграфіяПравіць

Скончыў Томскае ваеннае вучылішча сувязі (1969). Узначальваў Упраўленне ваеннай контрразведкі КДБ Рэспублікі Беларусь (1994—1996), Інстытут нацыянальнай бяспекі Рэспублікі Беларусь (1996—2001). Намеснік дзяржаўнага сакратара Савета бяспекі Рэспублікі Беларусь (2001), першы намеснік Кіраўніка Адміністрацыі Прэзідэнта Рэспублікі Беларусь (2001—2003). Рэктар Акадэміі кіравання пры Прэзідэнце Рэспублікі Беларусь (2003—2007), Міжнароднага ўніверсітэта «МІТСО» (2011—2018). Дырэктар Навукова-даследчага інстытута тэорыі і практыкі дзяржаўнага кіравання Акадэміі кіравання пры Прэзідэнце Рэспублікі Беларусь.

Навуковыя інтарэсы: тэорыя кіравання; тэорыя і метадалогія дзяржаўнага кіравання; асновы ідэалогіі; тэорыя і практыка забеспячэння нацыянальнай бяспекі.

ЛітаратураПравіць

  • Беларуская энцыклапедыя. У 18 т. Т. 18, кн. 1. — Мінск, 2004.
  • Белорусская юридическая энциклопедия. В 4 т. Т. 2. ― Минск, 2009.

Зноскі