Стымул

Стымул (ад лац.: stimulus — востраканцовы кій, якім паганялі жывёл) — пабуджэнне, якое заахвочвае да дзейнасці, да ажыццяўлення чаго-небудзь; пабуджальная прычына паводзін.

Стымул у псіхалогіі — уздзеянне, якое абумоўлівае дынаміку псіхічных станаў індывіда (рэакцыю). У псіхафізіялогіі, псіхафізіцы і фізіялогіі паняцце стымула тоесна раздражненню. У біхевіярызме стымул трактуецца механістычна: як змены асяроддзя, якія выклікаюць рухальныя адказы арганізма.