Стыў Манданда

Стыў Манданда (фр.: Steve Mandanda; нар. 28 сакавіка 1985, Кіншаса, Заір) — французскі футбаліст кангалезскага паходжання, брамнік клуба «Рэн». Пачынаў кар’еру ў «Гаўры», у 2016—2017 гадах гуляў за англійскі «Крыстал Пэлас». Выступае за нацыянальную зборную Францыі, чэмпіён свету 2018 года, удзельнік чэмпіянатаў свету 2010 і 2022, чэмпіянатаў Еўропы 2008, 2012 і 2016. Раней выступаў за моладзевую зборную Францыі, у яе складзе браў удзел у моладзевым чэмпіянаце Еўропы 2006.

Стыў Манданда
Агульная інфармацыя
Мянушка	Феномен (фр.: Il fenomeno)
Нарадзіўся	28 сакавіка 1985(1985-03-28) (39 гадоў) Кіншаса, Правінцыя Кіншаса, ДРК
Грамадзянства	Францыя ДР Конга
Рост	187 см
Вага	88 кг
Пазіцыя	брамнік
Інфармацыя пра клуб
Клуб	Рэн
Нумар	30
Маладзёжныя клубы
2000—2004 Гаўр
Клубная кар’ера
2004—2008 Гаўр 67 (-66) 2007—2008 →  Марсель 34 (-41) 2008—2016 Марсель 334 (-346) 2016—2017 Крыстал Пэлас 9 (-17) 2017—2022 Марсель 135 (-156) 2022— Рэн 13 (-10)
Нацыянальная зборная
2003—2004 Францыя (да 18) 2 (-0) 2004—2007 Францыя (да 21) 17 (-10) 2008 Францыя B 2 (-0) 2008— Францыя 35 (-33)
Узнагароды і медалі
Чэмпіянаты свету Золата Расія 2018 Срэбра Катар 2022 Чэмпіянаты Еўропы Срэбра Францыя 2016
Медыяфайлы на Вікісховішчы

Чэмпіён Францыі 2010 года, трохразовы ўладальнік Кубка французскай лігі і Суперкубка Францыі. Найлепшы брамнік чэмпіянату Францыі 2007/08 і 2010/11.

Клубная кар’ера

Раннія гады

Стыў з’яўляецца старэйшым з чатырох сыноў у сям’і. Неўзабаве пасля нараджэння Стыва яго бацька з’ехаў у Францыю. Пасля таго як Стыву споўнілася два гады, ён разам з маці пераехаў за бацькам. Першыя два гады сям’я жыла ў Эўро, затым пераехала на адзін год у Невер, пасля чаго вярнулася назад у Нармандыю.

«Гаўр»

У 15 гадоў Стыў трапіў у сістэму футбольнага клуба «Гаўр». Першапачаткова ён абраў клуб «Кан», але пасля аднаго з матчаў ён трапіў у бальніцу з апендыцытам. Пасля аперацыі Стыва і яго бацькоў знайшоў скаўт «Гаўра», які ўгаварыў таленавітага брамніка змяніць клуб.

Стыў чатыры гады выступаў за розныя моладзевыя каманды, пасля чаго ў сезоне 2004/05 быў пераведзены ў асноўны склад каманды, якая выступала тады ў Лізе 2.

«Алімпік» Марсель

У «Марсель» Стыў прыехаў 23 ліпеня 2007 года, і ўжо на наступны дзень прыступіў да трэніровак з камандай. У камандзе ён атрымаў 30-ы нумар і першапачаткова планаваўся як другі брамнік пасля Седрыка Карасо. Аднак у жніўні 2008 года, калі Карасо атрымаў цяжкую траўму ахіла і выбыў на доўгі тэрмін, трэнеру каманды прыйшлося даверыць месца ў браме маладому галкіперу. Яго дэбют адбыўся ў гасцявым матчы пятага тура супраць клуба «Кан», які «Алімпік» перамог з лікам 2:1.

«Крыстал Пэлас»

У ліпені 2016 года ў якасці свабоднага агента перайшоў у англійскі клуб «Крыстал Пэлас», аднак большую частку сезона 2016/17 прапусціў з-за траўмы, згуляў у 10 матчах ва ўсіх турнірах. У ліпені 2017 года за 3 млн еўра вярнуўся ў «Марсель».

«Рэн»

У ліпені 2022 года па пагадненні бакоў разарваў кантракт з «Марселем» і хутка стаў іграком «Рэна».

Міжнародная кар’ера

Стыў перад дэбютам у галоўнай зборнай Францыі выступаў за розныя моладзевыя зборныя. Яго дэбют у зборнай прыйшоўся на таварыскі матч супраць зборнай Эквадора 27 мая 2008 года, Манданда выйшаў адразу пасля перапынку, замяніўшы Себасцьена Фрэя і здолеў захаваць свае вароты ў недатыкальнасці, той матч скончыўся перамогай французскай зборнай з лікам 2:0.

Дасягненні

Алімпік Марсель:

• Чэмпіён Францыі: 2010
• Уладальнік Кубка лігі Францыі (3): 2010, 2011, 2012
• Уладальнік Суперкубка Францыі (2): 2010, 2011

Францыя:

• Чэмпіён свету: 2018
• Сярэбраны прызёр чэмпіянату свету: 2022
• Сярэбраны прызёр чэмпіянату Еўропы: 2016

Спасылкі

• Статыстыка выступаў у чэмпіянаце Францыі на сайце ligue1.com (англ.)(недаступная спасылка). Архівавана з першакрыніцы 26 сакавіка 2016.
• Профіль іграка на афіцыйным сайце «Алімпіка» (англ.)(недаступная спасылка). Архівавана з першакрыніцы 27 студзеня 2012.