Сядзібна-паркавы ансамбль (Янавічы)

Сядзібна-паркавы ансамбль Яленскіх — помнік сядзібна-паркавага дойлідства позняга класіцызму. Пабудаваны ў першай палове XIX ст. у в. Янавічы (Клецкі раён).

Сядзібна-паркавы ансамбль
Сядзібна-паркавы ансамбль Яленскіх
52°59′50,98″ пн. ш. 26°38′22,54″ у. д.
Краіна	Беларусь
Вёска	Янавічы
Архітэктурны стыль	Класіцызм
Будынкі
сядзібны дом • свіран
Статус	Гісторыка-культурная каштоўнасць Беларусі, шыфр 613Г000214

Архітэктура

Ансамбль уключае мураваную гасподу, гаспадарчыя пабудовы і парк эканамічнага тыпу са ставам. Гаспода — аднапавярховы прамавугольны ў плане аб'ём з вальмавым дахам (раней мансардавым). Цэнтральная частка галоўнага фасада вылучаная лоджыяй з каланадай, дваровага — круглаватым эркерам. Пластычнасцю апрацоўкі вылучаюцца ліштвы прамавугольных аконных праёмаў і аздобленыя рустам вуглы будынку. У анфіладнай сіметрычна-восевай планіроўцы цэнтральнае месца адведзенае зале-ратондзе і вестыбюлю.

Выкарыстоўваецца як жылы будынак. Ансамбль былой сядзібы — помнік рэспубліканскага значэння.

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Сядзібна-паркавы ансамбль (Янавічы) на сайце Radzima.org
• Сядзібна-паркавы ансамбль (Янавічы) на сайце Глобус Беларусі (руск.)