Сігмундур Давід Гунлаўгсан

Загаловак гэтага артыкула — ісландскае асабістае імя. У ісландцаў, за рэдкімі выключэннямі, няма прозвішчаў; частка імя, якая сканчаецца на «-сан» або «-доўцір», з’яўляецца не прозвішчам, а іменем па бацьку. Па імені па бацьку звяртацца да ісландцаў не прынята; чалавека, апісанага ў гэтым артыкуле, правільна зваць Сігмундур.

Сігмундур Давід Гунлаўгсан (ісл.: Sigmundur Davíð Gunnlaugsson, нар. 12 сакавіка 1975 г., Рэйк’явік, Ісландыя) — ісландскі палітычны дзеяч, прэм’ер-міністр з мая 2013 года па красавік 2016 года.

Сігмундур Давід Гунлаўгсан Sigmundur Davíð Gunnlaugsson
38-ы Прэм'ер-міністр Ісландыі
10 мая 2013 — 5 красавіка 2016
Прэзідэнт	Олафур Рагнар Грымсан
Папярэднік	Ёхана Сігурдардоцір
Пераемнік	Сігюрдзюр Інгі Ёўхансан
Партыя	Прагрэсіўная партыя
Адукацыя	Оксфардскі ўніверсітэт Універсітэт Ісландыі
Дзейнасць	палітык, журналіст, эканаміст
Нараджэнне	12 сакавіка 1975(1975-03-12) (45 гадоў) Рэйк’явік, Рейк’явікурбарг[d], Хёвюдбаргарсвайдыд[d], Ісландыя
Бацька	Гунлаўгур Магнус Сігмундсан[d]
Сайт	sigmundurdavid.is
Узнагароды

Біяграфія

Сігмундур Давід Гунлаўгсан нарадзіўся ў Рэйк’явіку. Яго бацька неаднаразова абіраўся ў альтынг, працаваў у розных краінах як прадстаўнік ісландскай авіякампаніі. З 1982 па 1985 г. Сігмундур жыў у Вашынгтоне, дзе яго бацька працаваў у Сусветным банку. Пасля заканчэння школы ён з 1995 года вучыўся ва Універсітэце Ісландыі, дзе вывучаў эканоміку. На практыцы працаваў у Маскве і Капенгагене. Сканчаў вучобу ў Оксфардзе. З 2000 па 2007 працаваў журналістам на дзяржаўнай радыёстанцыі RUV.

Пасля паразы Прагрэсіўнай партыі на парламенцкіх выбарах у 2009 годзе Сігмундур Давід Гунлаўгсан узначаліў гэтую партыю. Быў абраны ў альтынг па акрузе Паўночны Рэйк’явік. На выбарах у красавіку 2013 года Прагрэсіўная партыя апынулася ў лідарах у парламенце. Столькі ж дэпутатаў атрымала і Партыя незалежнасці. Прэзідэнт Ісландыі Олафур Рагнар Грымсан 30 красавіка 2013 г даў Сігмундуру мандат на фармаванне ўрада.

Папярэднік: Ён Сігурдсан	Старшыня Прагрэсіўнай партыі 2009-2016	Пераемнік: Сігюрдзюр Інгі Ёўхансан
Папярэднік: Ёхана Сігурдардоцір	Прэм'ер-міністр Ісландыі 2013 - 2016	Пераемнік: Сігюрдзюр Інгі Ёўхансан