Сігрыд Арнольдсан
Сігрыд Арнольдсан (шведск.: Sigrid Arnoldson; нар. 20 сакавіка 1861, Стакгольм, Швецыя — 7 лютага 1943, Стакгольм, Швецыя) — шведская оперная спявачка (сапрана) і музычны педагог; вучаніца Дэзірэ Арта.
Сігрыд Арнольдсан | |
---|---|
Асноўная інфармацыя | |
Дата нараджэння | 20 сакавіка 1861[1][2] |
Месца нараджэння | |
Дата смерці | 7 лютага 1943[1] (81 год) |
Месца смерці | |
Краіна | |
Бацька | Oscar Arnoldson[d][1] |
Музычная дзейнасць | |
Педагог | Désirée Artôt[d] |
Прафесіі | оперная спявачка, музычны педагог |
Пеўчы голас | сапрана |
Інструменты | вакал[d] |
Жанры | опера |
Грамадская дзейнасць | |
Член у | |
Узнагароды | |
Медыяфайлы на Вікісховішчы |
Біяграфія правіць
Сігрыд Арнольдсан нарадзілася 20 сакавіка 1861 года ў Стакгольме ў сям’і Карла Оскара Арнольдсана (англ.: Carl Oskar Arnoldson) — опернага спевака-тэнара, які з дзіцячых гадоў займаўся з дачкой вакалам. Таксама з Сігрыд ахвотна займаўся іншы шведскі оперны спявак, барытон Фрыц Арльберг (англ.: Fritz Arlberg). Пазней яна ўдасканальвала сваё майстэрства, займаючыся з самымі знакамітымі музычнымі педагогамі таго часу.
Прафесійны дэбют Сігрыд Арнольдсан адбыўся ў 1885 годзе ў Нацыянальным тэатры горада Прагі, дзе яна выканала ролю Разіны ў оперы Джаакіна Расіні «Севільскі цырульнік».
Валодаючы прыгожым каларатурным сапрана, з поспехам выступала ў ролі Маргарыты ў «Фаўсце», Джульеты ў «Рамэа і Джульеце» і Разіны ў «Севільскі цырульніке» (апошняя стала яе «візітнай карткай») і іншых операх. Яна неаднаразова гастралявала ў італьянскай оперы ў Маскве, Санкт-Пецярбургу, Варшаве і іншых буйных еўрапейскіх гарадах[4]. Яе голас захоўваецца на некалькіх запісах, зробленых у горадзе Берліне для Gramophone Company паміж 1906 і 1910 гадамі.
У 1910 годзе Сігрыд Арнольдсан была прынята членам у Шведскую каралеўскую акадэмію музыкі. Яна сышла са сцэны ў 1911 году, пасля чаго больш 25 гадоў выкладала спяванне ў Вене.[5]
У 1938 годзе Сігрыд Арнольдсан вярнулася ў родны горад, дзе працягвала выкладаць вакал да самай сваёй смерці.
Сігрыд Арнольдсан памерла 7 лютага 1943 года і была пахавана на мясцовых могілках.
Зноскі
- ↑ а б в г д Sigrid Arnoldson-Fischof — 1917.
- ↑ Sigrid Arnoldson // Répertoire International des Sources Musicales — 1952.
- ↑ LIBRIS — 2018. Праверана 24 жніўня 2018.
- ↑ Арнольдсон Зигфрид // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
- ↑ Сігрыд Арнольдсан (Sigrid Arnoldson) | Belcanto.ru . www.belcanto.ru. Праверана 22 кастрычніка 2019.
Спасылкі правіць