Тамаш Мірскі

Тамаш Мірскі
Тамаш Мірскі
	; герб «Бялыня»
пасол на Сойм Рэчы Паспалітай[d]
маршалак земскі браслаўскі[d]
Нараджэнне	1738
Смерць	не раней за 1793
Род	Святаполк-Мірскія
Бацька	Цыпрыян Святаполк-Мірскі[d]
Маці	Марыя з Білевічаў[d]
Член у	Барская канфедэрацыя;
Званне	генерал-ад’ютант

Тамаш Мірскі (польск.: Tomasz Mirski; 1738 — пасля 1793) — ураднік Вялікага Княства Літоўскага.

Біяграфія правіць

Паходзіў са шляхецкага роду Мірскіх герба «Бялыня». Нарадзіўся ў сям’і Цыпрыяна.

Паручнік польнай булавы ВКЛ, пасол на сойм 1764, удзельнічаў у абранні караля Станіслава Аўгуста Панятоўскага. У 1766 годзе генерал-ад'ютант польнай булавы ВКЛ. У 1769 далучыўся да Барскай канфедэрацыі, быў абраны маршалкам Браслаўскага павета. 11 чэрвеня 1770 года прысягнуў у Прэшаве Найвышэйшай радзе канфедэрацыі і ўключаны ў склад Ваеннай рады. Падтрымаў план вызвалення з расійскага палону сенатараў і вярнуўся ў ВКЛ, дзе 22 ліпеня 1771 зноў абраны браслаўскім маршалкам, удзельнічаў у партызанскім руху. Летам—восенню 1771 удзельнічаў у дыверсійным рэйдзе Ш. Касакоўскага па цэнтральнай і паўночнай Беларусі, зімой—вясной 1772 — з ім жа ў Польшчы. Пасол на Чатырохгадовы сойм 1789—1792 гадоў.

Валерый Пазднякоў. Мірскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.