Тарасніца

Тарасніца (ад чэш. tarasnice ад, магчыма, ісп.: taraxia«вялікая змяя») — еўрапейскі тып малакалібравай гарматы 15 ст. Тып быў уведзены ў масавы ўжытак гусітамі і выкарыстоўваўся пераважна для непасрэднай агнявой падтрымкі.

Малюнак гусіцкай тарасніцы.

Руля была адносна доўгая (21—29 кал.), жалезна-каваная, пазней літая з бронзы і часта мела васьмікантовую форму, узмоцненую вакол каморы. Калібр складаў 4—10 см. Тарасніцы стралялі на адл. да 200—300 м каменнымі кулямі, пазней каванымі і літымі жалезнымі кулямі, пазней жалезнымі кулямі з свінцовай абалонкай. Найчасцей гармата мела брусавы пераносны лафет, часам з дугавым механізмам вертыкальнага навядзення, і транспартавалася на вазах. Гл.далей: гуфніца, фоглер, бамбарда, гакаўніца.

Літаратура

• Stanisław Kobielski. Polska broń palna. Zakład narodowy im. Ossolińskich, Wrocław, 1975. 201 c.