Вікіпедыя

Тацеўская канатная дарога

Тацеўская канатная дарога (арм.: Տաթևի ճոպանուղի) — самая доўгая ў свеце пасажырская канатная дарога[1] падвойнага рэверсіўнага дзеяння, якая атрымала назву «Крылы Тацева»[2] і знаходзіцца ў Арменіі і злучае праз Варатанскую цясніну сёлы Алідзор і Тацеў.

Кабінка канатнай дарогі.

Тэхнічныя дадзеныя правіць

Інжынернае збудаванне «Крылы Тацева» распасціраецца на 5,7 км над глыбокай і маляўнічай цяснінай ракі Варатан, злучаючы дзве вёскі: Алідзор (непадалёк ад ерэванскай трасы) і Тацеў, што ў манастыра. Найбольшая вышыня над цяснінай складае 320 м. Кабіна, якая змяшчае 25 пасажыраў, рухаецца з максімальнай хуткасцю 37 км/г, праходзячы шлях ад пункту адпраўлення да пункту прызначэння за 11 хвілін 25 секунд. Кабіна падтрымваецца 6-ю тросамі (па тры на кожную — два апорныя, адзін для прываду). Тросы ў стане ўтрымваць грузы, якія ў 10-15 раз перавышаюць намінальную нагрузку[2]. Асноўны прывад дарогі — два электрарухавікі — адзін асноўны, адзін рэзервовы. Таксама канструкцыя забяспечана дызельным рухавіком, які падлучаецца ў выпадку спынення падачы электраэнергіі. Працаздольнасць канатнай дарогі забяспечваецца нават пры ветры сілай да 70 м/сек. Дарога забяспечыць доступ да манастыра таксама і ў зімовы сезон, спрыяючы тым самым падаўжэнню турыстычнага сезона ў Арменіі[3]
.

Збудаванне канатнай дарогі абыйшлося ў $18 млн, яе будаванне фінансавалі галоўным чынам прыватныя фонды. Для мясцовых жыхароў праезд па канатнай дарозе будзе дармовым, турыстам ён абыйдзецца ў 5000 драм[4].

Гісторыя правіць

 
Тацеўскі манастыр, да якога вядзе канатная дарога.

Дагавор пра будаванне канатнай дарогі ў Сюнікскім марзе быў падпісаны па ініцыятыве Фонду нацыянальнай канкурэнтаздольнасці Арменіі ў ліпені 2009 года ў Ерэване. Будаванне канатнай дарогі з'яўляецца складнікам трохгадовай праграмы «Адраджэнне Тацева»[5], агульны кошт якой складае $45 млн[6]. Паводле праграмы, апроч будавання канатнай дарогі ажыццяўляецца рэстаўрацыя манастырскага комплексу Тацеў, у сяле Алідзор павінен быць пабудаваны гасцінічны комплекс, вытрыманы ў традыцыях старажытнай архітэктуры. Праграма таксама агадвае адраджэнне старажытных рамёстваў у сяле Тацеў[5].

Адкрыццё правіць

Адкрыццё канатнай дарогі, пабудаванай швейцарскай фірмай «Гаравента»  (англ.) (бел., адбылося 16 кастрычніка 2010 года[3]. На ўрачыстай цырымоніі запуску шырока якая асвятлялася ў прэсе былі прадстаўнікі найвысокага кіраўніцтва Арменіі, Армянскай Апостальскай царквы, госці з розных краін свету. Першымі пасажырамі Тацеўскай канатнай дарогі сталі прэзідэнт Арменіі Серж Саргсян, Каталікос усіх армян Гарэгін II, выканаўчы дырэктар Фонду нацыянальнай канкурэнтаздольнасці Арменіі Бекар Папазян і па адным дзіцяці з 7 бліжэйшых вёсак[7]

BASE Jumping правіць

У снежні 2015 года адбыліся першыя BASE скокі з канатнай дарогі[8]. Паводле ацэнак BASE джампераў (выкарыстоўваўся лазерны далямер), вышыня канатнай дарогі адрозніваецца ад афіцыйна заяўленай і складае парадку 360 метраў да пляцоўкі прызямлення (380 метраў да дна цясніны).

Зноскі

  1. ↑ Запись в книге рекордов Гиннесса
  2. ↑ а б ИА REGNUM // В Армении запущена самая длинная в мире канатная дорога // 16.10.2010
  3. ↑ а б PanARMENIAN // Тигран Саркисян. На международных туристических картах появился новый привлекательный центр // 16 октября 2010
  4. ↑ Два мировых рекорда в Армении
  5. ↑ а б Новое Время // Татевская канатка и будущее Сюника [1] // 16.02.10
  6. ↑ ИА REGNUM // Открытие Татевского монастырского комплекса в Армении будет транслироваться по телеканалу Euronews
  7. ↑ Tert // В Армении открыта самая длинная канатная дорога Архівавана 24 лістапада 2010.
  8. ↑ Бейсджамперы опробовали канатную дорогу «Крылья Татева». mediamax.am. Праверана 16 снежня 2015.

Спасылкі правіць

Узята з "https://be.wikipedia.org/w/index.php?title=Тацеўская_канатная_дарога&oldid=4460893"