Таццяна Міхайлаўна Івінская

Таццяна Міхайлаўна Іві́нская (у шлюбе Белашапка; нар. 27 сакавіка 1958, Віцебск) — беларуская баскетбалістка. Заслужаны майстар спорту СССР (1980).

Таццяна Міхайлаўна Івінская
Пол	жанчына
Спецыялізацыя	баскетбол
Клуб	Гарызонт Мінск
Нарадзілася	27 сакавіка 1958(1958-03-27) (65 гадоў) Віцебск, Віцебская вобласць, БССР, СССР
Грамадзянства	СССР
Альма-матар	спартыўна-педагагічны факультэт спартыўных гульняў і адзінаборстваў БДУФК
Рост	185 см
Вага	80 кг
Узнагароды і медалі Летнія Алімпійскія гульні Золата Масква 1980 баскетбол

Чэмпіёнка Алімпійскіх гульняў 1980 года ў Маскве, чэмпіёнка свету (1983), Еўропы (1973, 1985).

Біяграфія

Нарадзілася 27 сакавіка 1958 года ў Віцебску. Калі Таццяне было 5 месяцаў, яе бацька, супрацоўнік Віцебскага абкама КПСС, быў знойдзены павешаным у санаторыі.

Займацца баскетболам пачала з 3 класа па прыкладзе сваіх старэйшых брата і сястры. Першы трэнер — Людміла Іосіфаўна Гусева.

Першы яе значны поспех звязаны з Усесаюзнымі юнацкімі гульнямі, якія праходзілі ў Вільнюсе ў 1973 годзе, дзе яна вызначала гульню зборнай Беларускай ССР, умела дзейнічаючы пад шчытом, а каманда па выніках турніра заняла трэцяе месца. На здольную дзяўчынку звярнулі ўвагу трэнеры юніёрскай зборнай СССР.

У 1982 годзе скончыла Беларускі інстытут фізічнай культуры.

Пасля заканчэння сезона 1985/86 прыняла рашэнне завяршыць гульнёвую кар’еру з-за наступстваў траўм і стала працаваць супрацоўнікам спартыўнай кафедры Беларускага дзяржаўнага інстытута народнай гаспадаркі.

У пачатку 1990-х правяла адзін сезон у Польшчы, але задавальнення ад гульні не атрымлівала. Акрамя таго, абвастрыліся старыя спартыўныя траўмы, а кіраўніцтва клуба не захацела поўнасцю разлічыцца з баскетбалісткай па кантракце. У выніку Белашапка вярнулася ў Мінск, дзе з 1992 года на пряцягу 5 гадоў працавала трэнерам у адной з ДЮСШ.

У 2000 годзе зноў пачала працаваць на спартыўнай кафедры Беларускага дзяржаўнага эканамічнага ўніверсітэта.

Узнагароды

• Заслужаны майстар спорту СССР (1980),
• медаль «За працоўную доблесць»,
• медаль НАК Рэспублікі Беларусь.

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі

• Белошапко (Ивинская) Татьяна Михайловна на сайце НАК Беларусі
• Інтэрв’ю Архівавана 4 сакавіка 2016.