Трэці ліст Яна
Трэці ліст апостала Яна - адзін з лістоў апостала Яна, які ўваходзіць у спіс кніг Новага Запавету. Змяшчаецца пасля другога ліста апостала Яна перад лістом апостала Іуды.
_detail.jpg)
Адрасат і аўтарства лістаПравіць
Ліст напісаны тым самым аўтарам, што і папярэднія два. У пачатку ліста аўтар вызначае сабе, як старшыню ці, што адно і тое ж на мове лістоў, як старэйшага чалавека. Па зместу і стылю ліст вельмі падобны на другі ліст Яна, а іх заканчэнні амаль аднолькавыя. У пачатку ліста пазначаны адрасат – нехта Гай, які быў кіраўніком адной з суполак; больш нічога ані пра Гая, ані пра месца, дзе ён жыў, не вядома.
Змест лістаПравіць
Ліст самы кароткі ў Новым Запавеце – у ім усяго 15 вершаў. Аўтар вельмі задаволены тым, што Гай застаўся верным вучэнню і просіць таго заставацца дзейным і дапамагаць місіянерам-вандроўнікам. З іншага боку апостал заклапочаны паводзінамі другога кіраўніка – Дыятрэфа, бачачы, што той працуе толькі дзеля ўласных мэтаў. У заканчэнні ліста апостал спадзяецца на хуткую сустрэчу і перадае прывітанні.
Час і месца напісання лістаПравіць
Верагодныя час і месца напісання тыя ж, што для іншых лістоў Яна – 90-я гады н.э. ў Эфесе.
Кароткі план лістаПравіць
- Прывітанне (1-4)
- Удзячнасць Гаю (5-8)
- Асуджэнне Дыятрэфа і падзяка Дыметрыю (9-12)
- Заканчэнне ліста (13-15)
ЛітаратураПравіць
- Толковый Апостол. Соборные послания изъясненные Епископом Михаилом. Правило веры, 768с., 2010г., ISBN: 978-5-94759-099-9
- Мэтью Генри. Толкование на книги Нового Завета. Том 5 Послания от Иакова - Коринфянам, МКПНП, 1999,406 стр.
- Толковая Библия. Новый завет. В 7 томах. Том 7. Деяния. Соборные послания. Откровения Иоанна Богослова. Под редакцией А. П. Лопухина. Изд. Дарь, 2009г. 1296 стр. ISBN:978-5-485-00276-3