Турыст (фільм, 2021)
Турыст (руск.: Турист, фр.: Touriste) — расійска-цэнтральнаафрыканскі баявік рэжысёра Андрэя Батава, заснаваны на рэальных падзеях. Кінакарціна апавядае пра спробу дзяржаўнага перавароту ў Цэнтральнаафрыканскай Рэспубліцы, калі баевікі і найміты атакавалі сталіцу, каб сарваць прэзідэнцкія і парламенцкія выбары. Прэм’ера фільма[1] адбылася 14 мая 2021 года на стадыёне горада Бангі[2][3][4]. Прэм’ера ў Расіі адбылася 19 мая на тэлеканале НТВ[5][6][7][8].
Турыст | |
|---|---|
| Жанр | баявік |
| Рэжысёр | Андрэй Батаў |
| Прадзюсар | Сяргей Шчаглоў, Генрых Кен |
| Сцэнарыст | Уладзімір Ізмайлаў |
| У галоўных ролях |
Аляксей Шаўчэнкаў, Яўген Церскі, Аляксандр Бараноўскі, Уладзімір Пятроў, Сяргей Вараб'ёў, Георгій Балонеў, Флавія-Гертруда Мбайабе, Уілфрэд Уільямс |
| Аператар | Гарык Жамгаран, Дзмітрый Арэфеў |
| Кампазітар | Віталь Муканяеў |
| Працягласць | 95 хвілін |
| Краіна |
 Расія ЦАР |
| Мова | руская, арабская, англійская, французская |
| Год | 2021 |
| IMDb | ID 15251228 |
Сюжэт
правіцьСнежань 2020 года. Былы супрацоўнік паліцыі Грыша Дзмітрыеў у складзе невялікай групы расійскіх інструктараў прыбывае ў Цэнтральнаафрыканскую Рэспубліку. Інструктары павінны навучыць салдат мясцовай арміі асновам тактыкі і метадаў вядзення бою. У першыя ж дні вучэнняў Грыша атрымлівае пазыўны «Турыс» за сваю маладосць і неспрактыкаванасць і ўступае ў канфлікт з Макетам, які трываць не можа «мянтоў» і не прапускае выпадку паздзекавацца над «першаходам».
У гэты час шэраг бандыцкіх груповак збіраюцца заняць сталіцу ЦАР, каб сарваць выбары і зладзіць у краіне дзяржаўны пераварот[9]. Некалькі блокпастоў ўжо знаходзяцца пад іх кантролем. Адной з такіх груповак кіруе жорсткі і бязлітасны Антуан. А ўсю кааліцыю кантралююць прадстаўнікі еўрапейскіх элітаў. Рускія інструктары аказваюцца ў эпіцэнтры грамадзянскай вайны і вымушаныя дапамагчы мясцовай арміі ФАКА даць адпор бандытам, рызыкуючы справакаваць міжнародны скандал. Паступова сумеснымі намаганнямі ім удаецца спыніць прасоўванне баевікоў і адбіць блокпасты. Баевікі пачынаюць успрымаць рускіх больш сур’ёзна і заклікаюць на дапамогу прафесійных наймітаў з Чада.
Антуан спрабуе пераканаць інструктараў не ўмешвацца ва ўнутраны канфлікт, але атрымлівае катэгарычную адмову. Расіяне рыхтуюцца да абароны базы, разлічваючы на дапамогу ФАКА, але мясцовыя вайскоўцы збеглі, пакінуўшы інструктараў фактычна адзін на адзін з групамі баевікоў.
Турыста і Макета вызначаюць у адзін кулямётны разлік, чаму абодва зусім не рады. Падчас бою высвятляецца, што на кінутай базе ФАКА засталося некалькі афрыканскіх вайскоўцаў. Турыст выклікаецца ім дапамагчы і адпраўляецца на базу, дзе знаёміцца з Катрын. Яны трапляюць у засаду, побач з імі разрываецца граната. Грыша аглушаны, але яму ўдаецца выратаваць Катрын. Знішчыўшы па шляху кулямётны разлік баевікоў, турыст амаль дабіраецца да сваіх, але губляе прытомнасць. Макет паспявае ў апошні момант вывесці турыста і Катрын з-пад агню. Перажываючы за жыццё Грышы, Макет вырашаецца на шчырую размову і прызнаецца таму ў прычыне сваёй нянавісці да «мянтоў» – з-за іх халатнасці загінуў яго сын.
Інструктарам ўдаецца спыніць атаку баевікоў, не даўшы ім пранікнуць на базу[10]. За параненым турыстам прыбывае верталёт, яму своечасова аказваюць медыцынскую дапамогу. Кіраўнікі кааліцыі баевікоў падводзяць вынік: ім не ўдалося сарваць выбары, дзеючы прэзідэнт будзе пераабраны на другі тэрмін[11]. Ім прыйдзецца на час залегчы на дно ў чаканні новай магчымасці ажыццявіць пераварот у ЦАР[12].
Грыша вяртаецца ў Расію, але мірнае жыццё яго зараз не вабіць, і ён вяртаецца ў Афрыку, каб працягнуць вайну з баевікамі[13][14].
У ролях
правіць- Аляксей Шаўчэнкаў — Макет
- Яўген Церскі — Кубань
- Аляксандр Бараноўскі — Лімон
- Уладзімір Пятроў — Грыша Дзмітрыеў (Турыст)
- Сяргей Вараб’ёў — Енісей
- Георгій Балонеў — Корг
- Флавія-Гертруда Мбайабэ — Катрын
Рэйтынгі
правіцьНа сайце онлайн кінатэатра Ivi фільм атрымаў рэйтынг 8,2. КиноПоиск паставіў карціне рэйтынг 6.904.
Гл. таксама
правіцьЗноскі
правіць- ↑ Фильм Турист.
- ↑ Фильм «Турист» о российских инструкторах первыми увидели зрители в Банги.
- ↑ Тысячи жителей Банги прошли по улицам города с российскими флагами после премьеры «Туриста».
- ↑ L’emprise russe en République centrafricaine inquiète Paris.
- ↑ Премьера на НТВ: боевик «Турист» расскажет о работе российских военных инструкторов в ЦАР.
- ↑ New Movie Depicting Heroic Russian Instructors in Central African Republic.
- ↑ Centrafrique: «Touriste», une fiction au service de la propagande russe.
- ↑ Продюсер Генрих Кен назвал основную мысль российского фильма «Турист» о ЦАР.
- ↑ Россия направила 300 военных инструкторов в ЦАР на фоне попытки мятежа.
- ↑ Российские инструкторы обеспечили безопасность выборов в ЦАР.
- ↑ Действующий президент ЦАР Туадера победил на выборах главы государства.
- ↑ Публицист Дмитрий Пучков: «Фильм «Турист» укрепит влияние России в Африке».
- ↑ Российские военные инструкторы помогли освободить 30 городов в ЦАР.
- ↑ Советник главы ЦАР остался доволен фильмом «Турист».