Тхалі

Тхалі (хіндзі: थाली) — страва індыйскай і непальскай кухні. У Непале таксама вядома пад назвай дал-бат (непальск.: दाल भात — ад слоў дал — сачавічны суп і бат — вараны рыс).

Існуе мноства варыянтаў гатавання тхалі, склад стравы залежыць ад рэгіёна, традыцый і наяўных у даступнасці прадуктаў. Асноўныя кампаненты тхалі — вараны рыс і дал (густы суп-пюрэ з сачавіцы). У тых рэгіёнах, дзе рыс не расце, замест яго могуць выкарыстоўвацца іншыя крупы, напрыклад грэчка.

Тхалі сервіруецца на круглым падносе (слова тхалі ў перакладзе азначае паднос), у цэнтры якога знаходзіцца рыс, а па акружнасці расстаўленыя металічныя міскі, якія змяшчаюць дал, гародніну, кары, розныя дробныя гарніры і заправы. У склад тхалі могуць уваходзіць чатні, індыйскія пікулі і чырвоны перац. Таксама да тхалі падаюцца аладкі (напрыклад, пападам або чапаці) і ёгурты (для змякчэння вострага густу).

Як правіла, тхалі складаецца з вегетарыянскай ежы, аднак сустракаюцца і яго невегетарыянскія варыянты — напрыклад, з курыным кары.