Уладзімір Уладзіміравіч Усеня
Уладзімір Уладзіміравіч Усеня (нар. 27 жніўня 1958, в. Пасека, Старадарожскі раён, Мінская вобласць) — беларускі вучоны ў галіне лесазнаўства. Акадэмік Нацыянальнай акадэміі навук Беларусі (2021[1], член-карэспандэнт з 2017), доктар сельскагаспадарчых навук (2004), прафесар (2010).
| Уладзімір Уладзіміравіч Усеня | |
|---|---|
| Дата нараджэння | 27 жніўня 1958 (66 гадоў) |
| Месца нараджэння | |
| Грамадзянства | |
| Род дзейнасці | навуковец |
| Месца працы | |
| Навуковая ступень | доктар сельскагаспадарчых навук (2004) |
| Навуковае званне |
|
| Альма-матар | |
| Узнагароды |
 |
Біяграфія
правіцьСкончыў Беларускі тэхналагічны інстытут імя С. М. Кірава (1980).
У 1980—1981 гадах інжынер-таксатар Гомельскай лесаўпарадкавальнай экспедыцыі. З 1981 года ў Беларускім НДІ лясной гаспадаркі: старшы інжынер, малодшы, старшы навуковы супрацоўнік. У 1992—2006 гадах вядучы навуковы супрацоўнік, загадчык сектара, лабараторыі, з 2007 года намеснік дырэктара па навуковай рабоце Інстытута лесу НАН Беларусі[2].
Навуковая дзейнасць
правіцьНавуковыя працы ў галіне лесазнаўства, лясной піралогіі і аховы лясоў ад пажараў. Даследаваў прадуктыўнасць, урадлівасць глебы і аднаўленне лясных фітацэнозаў пасля пажараў. Прапанаваў дыягнастычныя паказчыкі па ацэнцы пажараўстойлівасці насаджэнняў асноўных лесаўтваральных парод і дыферэнцыраваную сістэму вядзення ў іх гаспадаркі пасля пажараў. Выканаў лесапажарнае раянаванне тэрыторыі Беларусі. Распрацаваў і ўкараніў у практыку аховы лясоў перспектыўныя тэхналогіі лакалізацыі і тушэння пажараў на аснове прымянення айчынных экалагічна бяспечных хімічных складаў.
Аўтар больш як 220 навуковых прац, у тым ліку 5 манаграфій.
Бібліяграфія
правіць- Лесные пожары, последствия и борьба с ними. Гомель, 2002.
- Продуктивность и восстановление лесных фитоценозов после пожаров. Минск, 2010 (в соавт.).
- Лесная пирология. Гомель, 2011 (в соавт.).
Узнагароды
правіць- 2024 — Медаль Францыска Скарыны[3].
Крыніцы
правіць- ↑ https://nasb.gov.by/rus/news/photo/20211220/list.pdf
- ↑ УСЕНЯ Уладзімір Уладзіміравіч
- ↑ Архіўная копія(недаступная спасылка). Архівавана з першакрыніцы 3 лютага 2024. Праверана 5 лютага 2024.
Спасылкі
правіць- Уладзімір Уладзіміравіч Усеня ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)