Уладзімір Мікалаевіч Шымаў

(Пасля перасылкі з Уладзімір Шымаў)

Уладзі́мір Мікала́евіч Шы́маў (нар. 29 лістапада 1948, с. Радаліўка, Прыморскі раён, Запарожская вобласць, Украіна) — беларускі вучоны ў галіне эканомікі, дзяржаўны дзеяч. Заслужаны працаўнік адукацыі Рэспублікі Беларусь, Акадэмік Беларускай інжынернай акадэміі (1993), Акадэмік Міжнароднай акадэміі інфарматызацыі (1998), Акадэмік міжнароднай Акадэміі навук вышэйшай школы (Масква), Акадэмік Акадэміі рэгіянальных навук (Масква), Ганаровы доктар Кіеўскага нацыянальнага эканамічнага ўніверсітэта імя В. Гетмана (2006), Санкт-Пецярбургскага дзяржаўнага ўніверсітэта эканомікі і фінансаў (2008).

Уладзімір Мікалаевіч Шымаў
Міністр эканомікі Рэспублікі Беларусь
лістапад 1996 — ліпень 2002
Прэм’ер-міністр Сяргей Лінг, Уладзімір Ярмошын, Генадзь Навіцкі
Прэзідэнт Аляксандр Лукашэнка
Папярэднік Георгій Бадзей
Пераемнік Андрэй Кабякоў
 
Адукацыя
Дзейнасць эканаміст
Нараджэнне 29 лістапада 1948(1948-11-29) (71 год)
 
Узнагароды

Заснавальнік і галоўны рэдактар «Беларускага эканамічнага часопіса» (з 1997 г.), член рэдкалегіі часопісаў «Беларуская думка» (з 1992 г.), «Эканоміка Беларусі» (з 2004 г.), член падкамітэту па прысуджэнні Дзяржаўных прэмій Рэспублікі Беларусь. Старшыня Рэспубліканскага савета рэктараў вышэйшых навучальных устаноў.

БіяграфіяПравіць

З 1967 да 1972 года — студэнт геаграфічнага факультэта Маскоўскага дзяржаўнага ўніверсітэта імя М. В. Ламаносава.

1972—1975 гады — аспірант Савета па вывучэнні вытворчых сіл пры Дзяржплане СССР (г. Масква).

1976—1982 гады — старшы навуковы супрацоўнік, загадчык сектара Навукова-даследчага інстытута эканомікі і эканоміка-матэматычных метадаў планавання (НДІЭМП) пры Дзяржплане БССР (г. Мінск, Гомель).

У 1976 годзе абараніў дысертацыю на суісканне вучонай ступені кандыдата эканамічных навук на тэму «Пытанні методыкі рэгіянальнай эканамічнай ацэнкі прыродных рэсурсаў».

1982—1989 гады — дацэнт, загадчык кафедры, прарэктар па вучэбнай працы Гомельскага кааператыўнага інстытута.

У 1988 годзе ў МДУ імя М. В. Ламаносава абараніў дысертацыю на саісканне вучонай ступені доктара эканамічных навук на тэму «Вымярэнне і планаванне рэгіянальнай эканамічнай эфектыўнасці грамадскай вытворчасці (пытанні метадалогіі)».

1989—1995 гады — намеснік дырэктара па навуковай працы Навукова-даследчага эканамічнага інстытута Дзяржплана БССР (г. Мінск).

1995—1996 гады — першы намеснік Міністра эканомікі Рэспублікі Беларусь.

1996—2002 гады — Міністр эканомікі Рэспублікі Беларусь.

2002 — 2019 — рэктар Беларускага дзяржаўнага эканамічнага ўніверсітэта.

УзнагародыПравіць

Зноскі

  1. Указ Прэзідэнта Рэспублікі Беларусь № 462 «Аб узнагароджанні». Афіцыйны інтэрнэт-партал Прэзідэнта Рэспублікі Беларусь (26 лістапада 2018).

СпасылкіПравіць