Універсітэт імя Ф. Лаваля

Універсітэт імя Ф. Лаваля (фр.: Université Laval) — канадская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Квебек у правінцыі Квебек, Канада.

Агульная характарыстыка

Універсітэт быў заснаваны каталіцкім біскупам Франсуа дэ Лавалем з французскага магнацкага роду Манмарансі як Квебекская семінарыя ў 1663 годзе, што робіць яго старэйшай вышэйшай навучальнай установай у Канадзе і першай установай Паўночнай Амерыкі, якая надае вышэйшую адукацыю на французскай мове. Універсітэт, які быў заснаваны ў Старым Квебеку, пераехаў у новы кампус у 1950-х гадах. Ён уваходзіць у шэраг 10 лепшых канадскіх універсітэтаў па фінансаванні даследаванняў.