Уільям Кэлі
Уільям Лоуз Кэлі-малодшы (сустракаецца таксама памылковы варыянт напісання прозвішча — Колі) (англ.: William Laws Calley, Jr., нар. 8 чэрвеня 1943, Маямі, штат Фларыда, ЗША) — афіцэр амерыканскай арміі, які ўдзельнічаў у знішчэнні мірных жыхароў вясковай абшчыны Сангмі падчас В’етнамскай вайны.
| Уільям Кэлі | |
|---|---|
 | |
| Дата нараджэння | 8 чэрвеня 1943[1] (80 гадоў) |
| Месца нараджэння | |
| Альма-матар | |
| Грамадзянства | |
| Прыналежнасць | ЗША |
| Род войскаў | Армія ЗША |
| Гады службы | 1966—1971 |
| Званне | другі лейтэнант |
| Бітвы/войны | Вайна ў В’етнаме |
 Медыяфайлы на Вікісховішчы | |
Біяграфія правіць
Нарадзіўся 8 чэрвеня 1943 года ў сям’і ветэрана Другой сусветнай вайны. Скончыў школу ў Маямі. Вучыўся ў каледжы ў Палм-Біч, адкуль выбыў з-за дрэнных ацэнак. Пасля гэтага займаўся падпрацоўкамі, нідзе надоўга не затрымліваючыся.
Уступіў у армію ЗША ў ліпені 1966 года. Быў залічаны ў Школу падрыхтоўкі кандыдатаў у афіцэры Сухапутных войскаў (Форт-Бэнінг, штат Джорджыя), пасля завяршэння якой у верасні 1967 года атрымаў званне 2-га лейтэнанта і прызначэнне ў роту C («Чарлі») 1-га батальёна 20-га пяхотнага палка 11-й лёгкай пяхотнай брыгады.
Служба ў арміі правіць
У канцы 1967 года 11-я брыгада была перакінута ў Паўднёвы В’етнам, дзе перайшла пад аператыўны кантроль 23-й пяхотнай дывізіі. 16 сакавіка 1968 года рота C удзельнічала ў аперацыі ў вёсцы Мілай 4 (вясковая абшчына Сангмі), перарослай у разню мірнага насельніцтва.
Злачынства правіць
У лістападзе 1969 года справа Мілаі нарэшце атрымала шырокую агалоску, пасля чаго асоба Кэлі стала аб’ектам вывучэння амерыканскімі сродкамі масавай інфармацыі. Суд над лейтэнантам працягваўся з лістапада 1970 па сакавік 1971 скончыўся прызнаннем Кэлі вінаватым у забойстве 22 мірных жыхароў. Першапачатковы прысуд (пажыццёвае зняволенне) быў у жніўні 1971 года зменены на 20 гадоў пазбаўлення волі. Фактычна Кэлі правёў тры з паловай гады пад дамашнім арыштам, пасля чаго ў 1974 годзе быў умоўна-датэрмінова вызвалены.
Пасля памілавання правіць
Пасля свайго вызвалення Кэлі працаваў у ювелірнай краме ў Калумбусе (штат Джорджыя).
У 2009 годзе Кэлі публічна папрасіў прабачэння за аддадзены загад:
|
Я спачуваю ўсім, хто пацярпеў у вёсцы Мілаі, і прашу прабачэнні ва ўсіх в’етнамцаў за гэтую трагедыю. За тое, што зрабілі амерыканскія салдаты.
Калі вы спытаеце, чаму я не абараніў іх, мне давядзецца адказаць, што я быў лейтэнантам, і ўсведамляю, што па-дурному выконваў загад афіцэраў вышэйшага камандавання[2][3]. |
|
Зноскі
- ↑ William Calley // SNAC — 2010. Праверана 9 кастрычніка 2017.
- ↑ Dusty Nix. Long-silent Calley speaks. Ledger-Enquirer (21 жніўня 2009). — «“There is not a day that goes by that I do not feel remorse for what happened that day in My Lai,” Calley said. Then, as reported on retired broadcast journalist Dick McMichael’s blog, Calley’s voice began to break when he added, “I feel remorse for the Vietnamese who were killed, for their families, for the American soldiers involved and their families. I am very sorry.”»(недаступная спасылка)
- ↑ Dick McMichael. An Emotional William Calley Says He is Sorry. Dick's World. Wordpress (19 жніўня 2009). — «I asked him for his reaction to the notion that a soldier does not have to obey an unlawful order. In fact, to obey an unlawful order is to be unlawful yourself. He said, “I believe that is true. If you are asking why I did not stand up to them when I was given the orders, I will have to say that I was a 2nd Lieutenant getting orders from my commander and I followed them — foolishly, I guess.” He said that was no excuse, just what happened.» Архівавана з першакрыніцы 28 красавіка 2013. Праверана 22 жніўня 2009.