ФК Харт оф Мідлатыян
«Харт оф Мідлатыян» (англ.: Heart of Midlothian F.C.) — шатландскі футбольны клуб з горада Эдынбург, прадстаўнік Шатландскага Прэм’ершыпа. Адзін з двух клубаў горада, якія прадстаўляюць найвышэйшую лігу краіны, другі мае назву «Хайберніян». Хатнія матчы праводзіць на стадыёне «Тайнкасл», які размяшчаецца ў эдынбургскім раёне Горгі. Стадыён з’яўляецца хатняй арэнай з 1886 года і змяшчае 17 420 гледачоў. У 2005 годзе літоўска-расійскі бізнесмен і банкір Уладзімір Раманаў выкупіў большую частку правоў на клуб у былога ўладальніка Крыса Робертсана. На сённяшні дзень клуб знаходзіцца пад вонкавым адміністрацыйным кантролем, паклаўшы канец уладанню клубам Уладзімірам Раманавым. Апошнім значным дасягненнем клуба лічыцца перамога ў Кубку Шатландыі ў 2012 годзе, дзе ў фінале «сэрцы» перамаглі свайго спрадвечнага суперніка клуб «Хайберніян» з лікам 5:1[1].
| Хартс | ||||
|---|---|---|---|---|
| Поўная назва | Heart of Midlothian Football Club | |||
| Мянушкі | The Maroons, The Hearts, Hearts, The Jam Tarts, Jambos | |||
| Заснаваны | 1874 | |||
| Горад | Эдынбург, Шатландыя | |||
| Стадыён |
Тайнкасл Умяшчальнасць: 17 420 |
|||
| Прэзідэнт | Эн Б’юдж[d] | |||
| Галоўны трэнер | ||||
| Чэмпіянат | Прэм’ершып | |||
| 2021/22 | 3 месца | |||
| Сайт | Афіцыйны сайт | |||
| ||||
Гісторыя
правіцьНайбольш ранішняе згадванне клуба пад назвай Heart of Midlothian у спартыўным кантэксце было зроблена ў газете The Scotsman 20 ліпеня 1864 года, калі каманда The Scotsman і Heart of Midlothian праводзілі гульню ў крыкет. На сённяшні дзень невядома меў гэты клуб дачыненне да футбольнага ці не, але ў тыя часу ў Брытаніі шмат клубаў таксама добра гулялі ў іншых відах спорту[2]. «Хартс» быў заснаваны ў 1874 годзе. Па розных меркаваннях назва была ўзята ад папулярнай невялічкай танцавальнай залы[3], якая ў сваю чаргу так звалася па вядомым рамане сэра Вальтэра Скота «Сэрца графства Мідлатыян» (Heart of Midlothian).
Клуб пачаў мець сур’ёзныя фінансавыя праблемы ў лістападзе 2011 года, што азначала, што кіраўніцтва было не ў стане выплаціць ігракам заробную плату[4], і клуб быў выстаўлены на продаж[5]. Заробак за кастрычнік быў выплачаны позна, а заробак за лістапад ігракі ўбачылі толькі праз дваццаць дзевяць дзён, літаральна за дзень іх заробку за снежань[6]. Але і заробак за снежань таксама не быў выплачаны своечасова[7], з-за чаго прафсаюз ігракоў падаў скаргу ў кіраўніцтва шатландскай Прэм’ер-лігі[8]. У гэты перыяд клуб параіў ігракам шукаць новы клуб[9]. 4 студзеня 2012 года кіраўніцтва Прэм’ер-лігі загадала «Хартсу» выплаціць усе нявыплачаныя заробкі да 11 студзеня і настойвала, каб заработная плата студзеня павінна была быць выплачана ў тэрмін да 16 студзеня[10]. «Хартс» выплаціў усе заробкі 16 студзеня пасля продажу Эгерта Ёнсана ва Вулверхэмптан Уондэрэрс[11].
17 чэрвеня 2013 года «Хартс» быў перададзіны пад вонкавы кантроль, маючы пазыку ў памеры 25 мільёнаў фунтаў стэрлінгаў[12].
Фарм-клубы
правіцьНаступныя клубы раней прымыкалі да «Хартса», калі яны ўваходзілі ў холдынг Уладзіміра Раманава: «Каўнас» (Літва), «Партызан» (Беларусь).
Дасягненні
правіць- Чэмпіён Шатландыі: 4
- 1895, 1897, 1958, 1960
- Уладальнікі Кубка Шатландыі: 8
- 1891, 1896, 1901, 1906, 1956, 1998, 2006, 2012
- Уладальнікі Кубка лігі Шатландыі: 4
- 1955, 1959, 1960, 1963
Зноскі
- ↑ «Hearts’s demolition of Hibernian in Scottish Cup final devoid of fire». Guardian.
- ↑ The Scotsman. Нумар ад 20 ліпеня 1864, London Hearts.
- ↑ Альберт Мак-Кі, «The Hearts 1959» ст. 29
- ↑ «Hearts failure! Tynecastle club admit they can’t afford to pay players' wages». Daily Mail.
- ↑ «Romanov puts Hearts up for sale». Sky Sports.
- ↑ «Hearts stars finally get November pay but will complain to SPL if December wages don’t arrive». Daily Record.
- ↑ «Hearts players’ pay: Delayed November wages are paid but Hearts players still ready to act». The Scotsman.
- ↑ «Hearts squad lodge official SPL complaint over unpaid wages» Архівавана 15 ліпеня 2012.. Scottish Television.
- ↑ «Hearts surgery». The Sun.
- ↑ «SPL Statement ~ Heart of Midlothian FC» Архівавана 13 кастрычніка 2012.. Scottish Premier League.
- ↑ «Hearts pay overdue December wages thanks to Eggert Jonsson sale to Wolves». The Telegraph.
- ↑ Hearts: SPL side to enter administration. BBC News
Спасылкі
правіць
На Вікісховішчы ёсць медыяфайлы па тэме ФК Харт оф Мідлатыян- Афіцыйны сайт Архівавана 21 жніўня 2008.
- Клубная старонка на BBC
- Навіны клуба
