Факультэт Генеральнага штаба ВАРБ

адзін з факультэтаў Ваеннай акадэміі Рэспублікі Беларусь

Факультэт Генеральнага штаба Ваеннай акадэміі Рэспублікі Беларусь‎ — адзін з факультэтаў Ваеннай акадэміі Рэспублікі Беларусь‎.

Факультэт Генеральнага штаба Ваеннай акадэміі Рэспублікі Беларусь‎
Ваенная акадэмія Рэспублікі Беларусь
Institution IPS.png
Заснаваны 22 сакавiка 2006
Месцазнаходжанне
Адрас 220103, г. Мінск, вул. Славінскага, 4
Тэлефон (8-017) 267-25-87

ГісторыяПравіць

Адкрыццё факультэта Генеральнага штаба Узброеных Сіл, створанага ў адпаведнасці з Указам Прэзідэнта Рэспублікі Беларусь ад 22 сакавiка 2006 года № 178, адбылося напярэдаднi 1 верасня 2006 года на базе Ваеннай акадэміі Рэспублікі Беларусь. У цырымоніі адкрыцця факультэта Генеральнага штаба Узброеных Сіл прынялі ўдзел Міністр абароны генерал-палкоўнік Л. С. Мальцаў, намеснік Дзяржаўнага сакратара Савета бяспекі М. М. Шалёў, кіраўнікі сілавых ведамстваў. Першым начальнікам факультэта быў назначаны кандыдат ваенных навук генерал-маёр запасу Ю. В. Партноў.

Адкрыццё факультэта з’яўляецца знамянальнай вяхой у гісторыі Узброеных сіл Рэспублікі Беларусь, бо са з’яўленнем дадзенага факультэта завяршылася стварэнне поўнага цыкла падрыхтоўкі ваенных кадраў у нацыянальнай сістэме ваеннай адукацыі. З гэтага часу генералы і афіцэры беларускай арміі маюць магчымасць прайсці айчынную вышэйшую школу ўдасканалення свайго ваенна-прафесійнага майстэрства.

Факультэт Генеральнага штаба Узброеных Сіл забяспечвае падрыхтоўку прафесійнай ваеннай эліты, здольнай камандаваць злучэннямі, аб’яднаннямі і відамі Узброеных Сіл, кіраваць упраўленнямі цэнтральнага апарату Міністэрства абароны і Генеральнага штаба. У 2008 годзе адбыўся першы выпуск генералаў і афіцэраў.

З 2008 года да заняткаў на факультэце, акрамя беларускіх ваеннаслужачых, прыступілі прадстаўнікі ўзброеных сіл іншых дзяржаў.

З 1 жніўня 2017 года факультэт Генеральнага штаба Узброеных Сіл ажыццяўляе падрыхтоўку афіцэраў аператыўна-стратэгічнага і аператыўна-тактычнага ўзроўняў.

У адпаведнасці з загадам начальніка УА «Ваенная акадэмія Рэспублікі Беларусь» ад 10 снежня 2008 года «Аб устанаўленні Дня факультэта Генеральнага штаба Узброеных Сіл» 22 сакавіка з’яўляецца Днём факультэта Генеральнага штаба Узброеных Сіл[1].

ПадрыхтоўкаПравіць

  • вышэйшых і старшых афіцэраў аператыўна-стратэгічнага (стратэгічнага) звяна кіравання для Узброеных Сіл, воінскіх фарміраванняў і дзяржаўных органаў па спецыяльнасці «Дзяржаўнае і ваеннае кіраванне»;
  • афіцэраў аператыўна-тактычнага звяна кіравання для Узброеных Сіл, воінскіх фарміраванняў па спецыяльнасцях (напрамках спецыяльнасцей, спецыялізацыях, прафілізацыях), устаноўленых у адпаведнасці з заканадаўствам Рэспублікі Беларусь;
  • замежных ваеннаслужачых (сумесна або асобна) у вочнай (завочнай) форме атрымання адукацыі ў адпаведнасці з заключанымі кантрактамі аб навучанні;
  • навукова-педагагічных і навуковых работнікаў вышэйшай кваліфікацыі і павышэнне іх кваліфікацыі;
  • перападрыхтоўка і павышэнне кваліфікацыі службовых асоб дзяржаўных органаў у галіне ваеннай бяспекі;
  • ажыццяўленне ўзаемадзеяння з Ваеннай акадэміяй Генеральнага штаба Узброеных Сіл Расійскай Федэрацыі, вышэйшымі навучальнымі ўстановамі Рэспублікі Беларусь па правядзенні сумесных навуковых даследаванняў, павышэнні кваліфікацыі прафесарска-выкладчыцкага складу, арганізацыі навучальнага працэсу і падрыхтоўкі слухачоў.

НачальнікіПравіць

Зноскі