Феадосій Раманавіч Барадулін

Феадосій Раманавіч Барадулін (27 студзеня (8 лютага) 1896, Віцебск — 11 снежня 1956) — гісторык медыцыны. Доктар медыцынскіх навук, прафесар (1946).

Феадосій Раманавіч Барадулін
Дата нараджэння	8 лютага 1896(1896-02-08)
Месца нараджэння	Віцебск, Віцебская губерня, Расійская імперыя
Дата смерці	11 снежня 1956(1956-12-11) (60 гадоў)
Грамадзянства	Расійская імперыя  СССР
Род дзейнасці	навуковец, выкладчык універсітэта
Месца працы	Першы маскоўскі дзяржаўны медыцынскі ўніверсітэт імя І. М. Сечанава[d]
Альма-матар	Віцебская гімназія (1915) МДУ (1923) Інстытут чырвонай прафесуры[d] (1928)

Біяграфія

Скончыў Віцебскую гімназію (1915), Маскоўскі ўніверсітэт (1923), Інстытут чырвонай прафесуры (1928).

Член Гарадоцкага павятовага рэўкама, намеснік старшыні Віцебскага губернскага рэўкама і выканкама Савета рабочых, сялянскіх і салдацкіх дэпутатаў. Дэлегат IX з’езда РКП(б) (1920). Ствараў камбеды, удзельнічаў у ліквідацыі антысавецкіх мяцяжоў. Займаўся пытаннямі забеспячэння Чырвонай Арміі харчамі і фуражом. Удзельнік падаўлення Кранштацкага мяцяжу (1921).

З 1928 года дацэнт тэрапеўтычнай клінікі 1-га Маскоўскага медыцынскага інстытута, потым загадчык кафедры шпітальнай тэрапіі, дырэктар медыцынскага інстытута ў Махачкале. У Вялікую Айчынную вайну армейскі тэрапеўт. З 1950 года загадчык кафедры гісторыі медыцыны 1-га Маскоўскага медыцынскага інстытута.

Аўтар прац па старажытнай і антычнай медыцыне.

Літаратура

• Барадулін Феадосій Раманавіч // Кузьміч, М. П. Нашы землякі ў далёкім і блізкім замежжы : біяграфічны даведнік / П. М. Кузьміч, М. І. Сцепаненка. — Віцебск, 2007. — С. 20.
• Барадулін Феадосій Раманавіч // Памяць: гісторыка-дакументальная хроніка Віцебска : у 2 кн. / рэдкал.: Г. П. Пашкоў [і інш.]; склад. А. І. Мацяюн; маст. Э. Э. Жакевіч. — Мн., 2003. — Кн. 2. — С. 526.

Спасылкі

• Барадулін Феадосій Раманавіч на сайце анлайн-энцыклапедыі «Беларусь у асобах і падзеях»