Форт-дэ-Франс

горад на Марцініцы, Францыя
(Пасля перасылкі з Фор-дэ-Франс)

Фо́рт-дэ-Фра́нс (фр.: Fort-de-France) — сталіца французскага заморскага дэпартамента Марцініка, якая знаходзіцца на заходнім узбярэжжы вострава над затокай Форт-дэ-Франс. Гэта самы вялікі французскі горад у Цэнтральнай Амерыцы, насельніцтва налічвае 134,7 тысяч чалавек.

Горад
Форт-дэ-Франс
Fort-de-France
Герб
Герб
Fort-Saint-Louis-03.jpg
Краіна
Заморскі рэгіён
Каардынаты
Кіраўнік
Плошча
  • 44,21 км²[1]
Вышыня цэнтра
0 ± 1 м і 1 070 ± 1 м
Насельніцтва
134 727 чалавек (1999)
Паштовыя індэксы
97200[2] і 97234[2]
Афіцыйны сайт
fortdefrance.fr (фр.) 
Форт-дэ-Франс на карце Францыі
Марцініка
Форт-дэ-Франс

У ХVII стагоддзі французскія паселішчы на выспе Марцініка знаходзіліся на яе заходнім узбярэжжы. Самае вялікае паселішча Форт-Роял было заснаванае ў 1672 годзе, пазней назва была змененая на Форт-дэ-Франс. Форт, заснаваны пры ўваходзе ў самы вялікі заліў вострава, знаходзіўся ў зручным абаронным становішчы, якое дазваляла яму адбіваць атакі як піратаў, так і галандскіх і англійскіх заваёўнікаў.

Але горад, абкружаны балотамі, часта пакутаваў ад малярыі. У ХІХ стагоддзі, у 1839 годзе адбылося моцнае землетрасенне, а ў 1890 годзе пажар, які амаль поўнасцю знішчыў горад, у 1891 годзе горад пацярпеў ад урагану. Нягледзячы на гэта, Форт-дэ-Франс заставаўся адміністрацыйным і ваенным цэнтрам Марцінікі. Да вывяржэння вулкана ў 1902 годзе гандлёвым цэнтрам вострава заставаўся Сент-Пэрэ, але, пасля амаль поўнага яго знішчэння, гандаль перамясціўся ў Форт-дэ-Франс.

У нашы дні Форт-дэ-Франс — гэта галоўны эканамічны і адміністрацыйны цэнтр вострава, тут знаходзіцца галоўны порт дэпартаменту. У горадзе сканцэнтравана большая частка прамысловых прадпрыемстваў Марцінікі. Акрамя таго, у горадзе знаходзіцца адна з асноўных ваенна-марскіх базаў Францыі ў Карыбскім моры.

У горадзе атрымаў развіццё турызм. Асноўнымі турыстычнымі аб'ектамі сталі былыя ваенныя форты XVIII і XIX стагоддзяў: Дэсокс, Тартэнсон і Гербо. Важнай турыстычнай каштоўнасцю з'яўляецца помнік Жазэфіне, жонцы Напалеона.

СпасылкіПравіць

  1. 1,0 1,1 база дадзеных аб французскіх камунахInstitut national de l'information géographique et forestière. Праверана 26 кастрычніка 2015.
  2. 2,0 2,1 Base officielle des codes postauxGroupe La Poste, 2018.